ગુજરાત હાઇકોર્ટના એક્ટિંગ ચીફ જસ્ટિસ તરીકે જસ્ટિસ વિનિત કોઠારીના નામની જાહેરાત, હાલમાં ગુજરાત હાઇકોર્ટમાં મોસ્ટ સિનિયર જસ્ટિસ વિનિત કોઠારી છે
ગુજરાત હાઇકોર્ટના નવા એક્ટિંગ ચીફ જસ્ટિસના નામની જાહેરાત
HCમાં એક્ટિંગ ચીફ જસ્ટિસ તરીકે વિનીત કોઠારીના નામની જાહેરાત
એક્ટિંગ ચીફ જસ્ટિસ તરીકે HCમાં વિનીત કોઠારી ચાર્જ સભાળશે
ગુજરાત હાઇકોર્ટના નવા ચીફ જસ્ટિસના નામની જાહેરાત કરી દેવાઈ છે. ગુજરાત હાઇકોર્ટના એક્ટિંગ ચીફ જસ્ટિસ તરીકે વિનિત કોઠારીના નામની જાહેરાત કરવામાં આવી છે. હાલમાં ગુજરાત હાઇકોર્ટમાં મોસ્ટ સિનિયર જસ્ટિસ વિનિત કોઠારી છે. ગુજરાત હાઇકોર્ટમાંથી આજે ચીફ જસ્ટિસ વિક્રમનાથ અને સિનિયર મહિલા જજ બેલાબેન ત્રિવેદીએ વિદાય લીધી હતી. વિદાય સમારોહમાં જ એક્ટિંગ ચીફ જસ્ટિસના નામની જાહેરાત કરી દેવાઈ હતી. સપ્ટેબર સુધી જસ્ટિસ વિનિત કોઠારી એક્ટિંગ ચીફ જસ્ટિસ કાર્યરત રહેશે. સપ્ટે.બાદ મોસ્ટ સિનિયર આર.એમ છાયા એક્ટિંગ ચીફ જસ્ટિસ તરીકે ચાર્જ સંભાળશે.
મહત્વનું છે કે, રાષ્ટ્રપતિ રામનાથ કોવિંદે 9 જજોની સુપ્રીમ કોર્ટમાં નિયુક્તીની મંજૂરી આપી દીધી છે આ સાથે દેશને પહેલા મહિલા ચીફ જસ્ટિસ મળવાનો માર્ગ મોકળો થયો છે. કેન્દ્ર સરકારની મંજૂરી બાદ સુપ્રીમ કોર્ટ કોલિજિયમ જસ્ટિસ એ.એસ ઓકાર, જસ્ટિસ વિક્રમનાથ, જસ્ટિસ જેકે માહેશ્વરી, જસ્ટિસ હિમા કોહલી, જસ્ટિસ બી.વી નાગરત્ના, સીટી રવિ કુમાર જસ્ટિસ એમએમ સુંદરેશ, જસ્ટિસ બેલા એમ ત્રિવેદી અને વકીલ પીએસ નરસિંહ સુપ્રીમ કોર્ટમાં જજ તરીકે નિયુક્ત થયા છે.
કોણ છે 9 નામ
9 નામમાં સુપ્રીમ કોર્ટ બાર એસોસિએશનના આઠ જજ અને એક વકીલ સામેલ છે તેમાં કર્ણાટકના ચીફ જસ્ટિસ એ.એસ ઓકા, ગુજરાતના ચીફ જસ્ટિસ વિક્રમનાથ, સિક્કીમના ચીફ જસ્ટિસ જેકે માહેશ્વરી, તેલંગાણાના ચીફ જસ્ટિસ હિમા કોહલીના નામ સામેલ છે.
જસ્ટિસ નાગરત્ના બનશે દેશના પહેલા મહિલા ચીફ જસ્ટિસ
કેરળ હાઈકોર્ટના જસ્ટિસ નાગરત્ના, મદ્રાસ હાઈકોર્ટના જસ્ટિસ સીટી રવિ કુમાર, જસ્ટિસ એમએમ સુંદરેશ, જસ્ટિસ બેલા એમ ત્રિવેદી, ડી વાય ચંદ્રચુડ, જસ્ટિસ એલ નાગેશ્વર રાવની બેઠક 17 ઓગસ્ટે થઈ હતી. 2027 માં જસ્ટિસ નાગરત્ના દેશના પહેલા મહિલા ચીફ જસ્ટિસ બનશે.
ગુજરાતમાંથી 2 જજ સુપ્રીમમાં જજ બનશે
ગુજરાતમાંથી બે જજ સુપ્રીમમાં જજ બની રહ્યાં છે. ગુજરાત હાઈકોર્ટના ચીફ જસ્ટિસ વિક્રમનાથ અને જસ્ટિસ બેલા એમ ત્રિવેદી સુપ્રીમમાં જજ બનશે. કેન્દ્ર સરકારે તેની મંજૂરી આપી દીધી છે.