બેટી બચાવો બેટી પઢાઓ સૂત્રને સાચા અર્થમાં સાર્થક કર્યું છે. આણંદ જિલ્લા વિકાસ અધિકારી અને તેમના જજ પત્નીએ જન્મતાની સાથે માતાનું છત્ર ગુમાવી ચૂકેલ એક દીકરીને તેમણે દત્તક લઇ સાચા અર્થમાં સમાજમાં એક ઉત્તમ ઉદાહરણ પૂરું પાડ્યું છે.
આણંદના જિલ્લા વિકાસ અધિકારી અમિત પ્રકાશ યાદવ અને તેમના પત્ની ચિત્રા રત્નુ કે જેઓ આણંદ સિવિલ કોર્ટમાં એડિશનલ જજ તરીકે ફરજ બજાવે છે. આ સરકારી અધિકારી દંપતીના ખોળામાં ફૂલ ગુલાબ જેવી અને જન્મતાની સાથે જ માતાની છત્ર ગુમાવી ચૂકેલ નિરાધાર બાળકી આજે આ દંપતીએ એક નિરાધાર બાળકીને પોતીકી બનાવી આપ્યું છે માતૃત્વ અને પિતૃત્વ.
જિલ્લા વિકાસ અધિકારી તરીકે આણંદમાં ફરજ બજાવતા અમિત પ્રકાશ યાદવ અને તેમની પત્ની ખુબજ સહજ અને નિખાલશ છે. અગાઉ પણ તેમણે તેમની જજ પત્ની ચિત્રા રત્નુની ડિલિવરી પ્રાથમિક આરોગ્ય કેન્દ્રમાં કરાવી સરકારી આરોગ્ય સેવા ક્ષેત્રે એક દાખલો બેસાડી લોકોને જાગૃત કર્યા હતા. જો આ દંપતીની અને નિરાધાર બાળકીની કરવા જઈએ તો તેમને સંતાન હોવા છતાં પણ આજે માતાની કૂખ ગુમાવી ચૂકેલ આ માસુમ બાળકીને પોતાની બનાવી છે.
કેવી રીતે જાગ્યું માતૃત્વ અને પિતૃત્વ ?
તો જિલ્લા વિકાસ અધિકારીના નાતે જ્યારે જ્યારે પણ સરકારી હોસ્પિટલમાં કોઈનું મૃત્યુ થાય છે ત્યારે અમિત પ્રકાશ યાદવ આવી ક્ષણે મૃતકના પરિવારની અચૂક મુલાકાત લેતા હોય છે. આવી જ રીતે વાસદ સરકારી દવાખાનામાં એક સગર્ભાએ દીકરીને જન્મ આપ્યો અને ત્યારબાદ તેની માતાનું મૃત્યુ થયું હતું. આ ઘટનાની જાણ થતાં જ અમિત પ્રકાશ યાદવ આ પરિવારની મુલાકાતે પહોંચ્યા હતા. તે દરમિયાન તેમની નજર એક હસ્તી અને દુનિયાદારીથી અજાણ અને માતાની છત્ર ગુમાવી ચૂકેલ દીકરી પર પડી અને તેમનામાં એક પિતૃત્વ જાગૃત થયું પોતાની પત્ની ચિત્રા રત્નુને તુરંત તેમણે જાણ કરી હતી. તેમના પત્નીનું પણ માતૃત્વ જાગી ઉઠ્યું અને તુરંત તેઓ વાસદ પહોંચ્યા ત્યાં પહોંચતા જ માતા ગુમાવી ચૂકેલ દીકરીને તેમણે છાતી સરસી ચાંપી અને આ નિરાધાર દીકરીને પોતાનું ધાવણ આપ્યું હતું.
જિલ્લામાંથી પસાર થતી મહીસાગર નદીના નામ પરથી મહી નામ આપ્યું
દીકરીના પિતા સાથે ત્યારબાદ મુલાકાત કરી તો સામે આવ્યું કે આ પરિવારમાં અગાઉ પણ બે દીકરીઓ જન્મ લઇ ચુકી છે. પરિવાર તેનું ભરણપોષણ કરવા સક્ષમ નથી જેથી ક્ષણનો પણ વિલંબ કાર્ય વિના આ દીકરીને તેમણે દત્તક લઇ લીધી હતી. તેનું નામ આપ્યું જિલ્લામાંથી પસાર થતી મહીસાગર નદીના નામ પરથી મહી. આજે આ માસુમ અને ફૂલ ગુલાબ જેવી મહીને પોતાની માતા જ્યારે આ દંપતીને એક દીકરી પ્રાપ્ત થઇ છે. આમ આ સરકારી અધિકારી દંપતીએ સમાજમાં એક ઉત્તમ ઉદાહરણ પૂરું પાડી બેટી બચાવો બેટી પઢાઓનું સૂત્ર સાર્થક કર્યું છે.