ઉત્તરાખંડ / આઠ દિવસ બાદ પણ મોત સામે જંગ: ઉત્તરકાશીની ટનલમાં ફસાયેલા છે 41 શ્રમિકો, રેસ્ક્યૂમાં હજુ લાગી શકે છે 5 દિવસ

• ઉત્તરકાશીમાં નિર્માણાધીન ટનલ તૂટી હતી
• કાટમાળ નીચે 41 જિંદગી ફસાઈ
• 8 દિવસથી ફસાયા છે 41 શ્રમિકો

Uttarakhand News: ઉત્તરાખંડમાં નિર્માણાધીન ટનલનો એક ભાગ તૂટતા 8 દિવસ જેટલા સમયથી 41 શ્રમિકો કાટમાળ નીચે ફસાયેલા છે. જેમને બચાવવા માટે NDRF-SDRF સહિત ભારતીય સેના સતત પ્રયત્ન કરી રહી છે. ત્યારે આ શ્રમિકોને બચાવવા માટે હજુ 4 થી 5 દિવસનો સમય લાગી શકે છે. 

#Uttarakhand के उत्तरकाशी में निर्माणाधीन टनल का हिस्सा टूटा, बड़ी संख्या में मज़दूरों के फँसे होने की आशंका। सिलक्यारा-डंडालगांव के बीच सिलक्यारा की ओर से 150 मीटर आगे टनल टूटी। रेस्क्यू के लिए जिला प्रशासन के साथ SDRF, पुलिस की की टीमें मौके पर। pic.twitter.com/hd33dqeNvN

— Ajit Singh Rathi (@AjitSinghRathi) November 12, 2023

રેસ્ક્યૂમાં હજુ 4થી 5 દિવસ લાગી શકે
હવે પાંચ અલગ-અલગ જગ્યાએથી બચાવ કામગીરી શરૂ કરવામાં આવી રહી છે, જેમાં એક પ્લાન જૂના મશીન સાથેનો છે, બાકીના ચાર નવા છે. અહીં નિષ્ણાતોએ સમગ્ર વિસ્તાર અને જંગલનું નિરીક્ષણ કર્યા બાદ કેટલીક જગ્યાઓ પર નિશાન પણ લગાવવામાં આવ્યા છે. જ્યાંથી વર્ટિકલ ડ્રિલિંગ શરૂ થશે. આ ટ્રેક આજ બપોર સુધીમાં બની જવાની સંભાવના સેવાઈ રહી છે. રાહત કાર્યમાં લાગેલી સેના દ્વારા લગભગ 1 હજારથી 1 હજાર 200 મીટર લાંબો ટ્રેક તૈયાર કરવામાં આવી રહ્યો છે, જેનું કામ યુદ્ધના ધોરણે ચાલી રહ્યું છે.

ઇન્ફ્રાસ્ટ્રક્ચર પહેલ
ઉત્તરકાશીની આ નિર્માણાધીન ટનલ મહત્વાકાંક્ષી ચારધામ પ્રોજેક્ટનો એક ભાગ છે, જે હિંદુ તીર્થસ્થળો બદ્રીનાથ, કેદારનાથ, યમુનોત્રી અને ગંગોત્રી સાથે કનેક્ટિવિટી વધારવા માટે રાષ્ટ્રીય ઇન્ફ્રાસ્ટ્રક્ચર પહેલ છે. સુરંગમાં ફસાયેલા લોકોની સુરક્ષા માટે બહાર મંદિરની સ્થાપના પણ કરવામાં આવી હતી અને મંત્રોચ્ચાર કરવામાં આવ્યા હતા.

ટનલમાં કેવી રીતે થયો અકસ્માત?
તમને જણાવી દઈએ કે બ્રહ્મખાલ-યમુનોત્રી નેશનલ હાઈવે પર સિલ્ક્યારા અને દાંડલગાંવ વચ્ચે એક ટનલ બનાવવામાં આવી રહી હતી. તેનો એક ભાગ તૂટી પડ્યો હતો, જેના કારણે ટનલમાં 40 કામદારો ફસાયા હતા. આ ટનલની કુલ લંબાઈ 4.5 કિલોમીટર છે. જેમાં સિલ્ક્યારા છેડાથી 2,340 મીટર અને દાંડલગાંવ છેડાથી 1,750 મીટર સુધી બાંધકામ કરવામાં આવ્યું છે. ટનલના બે છેડા વચ્ચે 441 મીટરનું અંતર બાંધવાનું હતું. અધિકારીઓએ કહ્યું હતું કે સિલ્ક્યારા બાજુથી ટનલ તૂટી પડી હતી. ટનલનો જે ભાગ તૂટી પડ્યો તે એન્ટ્રી ગેટથી 200 મીટર દૂર હતો.