લવ સેક્સ ઔર ધોખા / પતિએ ગે પાર્ટનરને બોલાવ્યો, રાત્રે ઊઠીને જોયું તો પત્ની સાથે હતો આપત્તિજનક સ્થિતિમાં: બાદમાં જે થયું તે જાણી પોલીસ પણ ચોંકી

• મહારાષ્ટ્રમાં એક ચોંકાવાનારી ઘટના 
• ગે મિત્રએ મિત્રની પત્નિ સાથે જ કર્યું ઈલુ-ઈલુ 
• મહિલાના પતિ અને તેના મિત્રોએ મળી હત્યા કરી નાખી 

મહારાષ્ટ્રમાં એક ચોંકાવાનારી ઘટના સામે આવી છે. વાત જાણે એમ છે કે, ગે ડેટિંગ એપ દ્વારા જે વ્યક્તિ સાથે પરિણીત પુરુષ સમલૈંગિક સંબંધ બાંધતો હતો, તે જ યુવક તે વ્યક્તિની પત્ની સાથે શારીરિક સંબંધ બાંધતો હોવાનું સામે આવ્યું છે. જોકે આ સમગ્ર ઘટના ત્યારે સામે આવી જ્યારે મહિલાના પતિ અને તેના મિત્રોએ મળીને જાલના જિલ્લાના મંથા ખાતે રિકવરી એજન્ટની હત્યા કરી નાખી. પોલીસે આ મામલે તપાસ કર્યા બાદ 2 લોકોની ધરપકડ કરી છે. 

મહારાષ્ટ્ર પોલીસ દ્વારા જણાવ્યું છે કે, મૃતક સમલૈંગિક હતો. તે ગે એપ દ્વારા એક ગ્રુપના સંપર્કમાં આવ્યો હતો. ગ્રૂપમાં જોડાયા બાદ તેને મંથાના એક પરિણીત પુરુષ સાથે પરિચય થયો અને બંનેએ સમલૈંગિક સંબંધો બાંધ્યા. પોલીસનું કહેવું છે કે યુવક મંથામાં પરિણીત યુવકના ઘરે ઘણી વખત આવતો હતો અને રાત્રે રોકાતો હતો. જ્યારે પરિણીત પુરુષ રાત્રે સૂતો હતો ત્યારે તેની પત્ની સાથે પણ સંબંધ બાંધતો હતો. આ પ્રક્રિયા લાંબા સમયથી ચાલી રહી હતી, પરંતુ 7 એપ્રિલે જ્યારે યુવક જાલનામાં ફરજ બજાવીને મંથા પહોંચ્યો ત્યારે આ રહસ્ય ખુલ્યું. તે સાંજે તેના ગે મિત્ર સાથે રોકાયો હતો. 

મધરાત્રે યુવક ઉઠ્યો અને ભાંડો ફૂટ્યો 
આ પછી મધ્યરાત્રિએ જ્યારે ગે મિત્રની આંખ ખુલી તો તેણે જોયું કે, યુવક આસપાસ નથી. તેણે જોયું તો યુવક તેની પત્ની સાથે વાંધાજનક સ્થિતિમાં હતો. આ પછી પરિણીતાએ યુવકને માર માર્યો હતો. તેણે તેના ભાઈ અને તેના કેટલાક મિત્રોને પણ બોલાવ્યા. બધાએ મળીને યુવકને બેરહેમીથી માર્યો, જેના કારણે તેનું મોત થયું.

હત્યા બાદ મૃતદેહને ફેંકી દીધો 
આ તરફ યુવકની હત્યા કર્યા બાદ પરિણીતાએ મૃતદેહને બાઇકમાં ભરીને મંથા બજાર સમિતિ પાસેના જગદંબા જીનીંગ કોમ્પ્લેક્ષમાં ફેંકી દીધો હતો. આ ઘટના અંગે પોલીસ ઈન્સ્પેક્ટર મંથા સંજય દેશમુખે જણાવ્યું કે,પોલીસે આ મામલાને ઉકેલતા 2 લોકોની ધરપકડ કરી છે. આ મામલે બંને આરોપીઓની કડક પૂછપરછ કરવામાં આવી રહી છે.