વિરોધ / ભાજપના પૂર્વ જિલ્લા પ્રમુખે કહ્યું, માસ્ક ન પહેરવા પર હાઈકોર્ટનો 1000નો દંડનો આદેશ અમાનવીય

• રૂ.1000ના દંડના હાઈકોર્ટના હુકમને ગણાવ્યો અમાનવીય
• આર્થિક મુશ્કેલીઓ વચ્ચે ઝઝૂમી રહી છે સામાન્ય જનતા 
• આકરા દંડ સામે ભાજપના આગેવાને જ ઉઠાવ્યા સવાલો

માસ્ક ન પહેરવા પર આકરા દંડ સામે ભાજપના જ આગેવાને સવાલો ઉઠાવ્યા છે. અમરેલી ભાજપના પૂર્વ પ્રમુખ ડૉ.ભરત કાનાબારે ટ્વીટ કરી માસ્ક ન પહેરવા પર રૂપિયા 1000ના દંડ સામે સવાલ ઉઠાવ્યા છે. રૂપિયા 1000ના દંડના હાઈકોર્ટના હુકમને અમાનવીય ગણાવ્યો છે. સામાન્ય જનતા આર્થિક મુશ્કેલીઓ વચ્ચે ઝઝૂમી રહી છે.

ગુજરાતમાં 200 રૂપિયાથી 1000 સુધી કેવી રીતે પહોંચ્યો માસ્ક ન પહેરવાનો દંડ

કોરોના સંક્રમણ સમયે થયેલી અલગ અલગ અરજીના અનુસંધાને ગુજરાત હાઇકોર્ટે કહ્યું છે કે માસ્ક નહીં પહેરતાં લોકોને સરકાર 1000 રૂપિયાનો દંડ કરે. જેને પગલે 11 ઓગસ્ટથી માસ્ક નહીં પરહેરનારને રૂા. 1000નો દંડ વસૂલવાની જોગવાઈ કરવામાં આવી હતી. ગુજરાતમાં માસ્ક નહીં પહેરવાનો દંડ પહેલાં 500 રૂપિયા હતો પરંતુ તે વધુ પડતો લાગતો હોવાથી સરકારે 200 રૂપિયા કર્યો હતો પરંતુ કોરોના સંક્રમણની સંખ્યા વધી જતાં નિયંત્રણ માટે સરકારે 500 રૂપિયાનો દંડ વસૂલ કરવાની જોગવાઇ કરી હતી પણ  હાઇકોર્ટના આદેશ પછી રાજ્ય સરકારે દંડની રકમ બમણી કરીને રૂા. 1000 કરી હતી.