ઓડિશા / બાલાસોરમાં એક ફેક્ટરીમાં એમોનિયા ગેસ લીકની ઘટના, 28 કામદારો બીમાર પડ્યા

• ઓડિશાના બાલાસોરમાં એક ફેક્ટરીમાં એમોનિયા ગેસ લીકની ઘટના 
• ફેક્ટરીમાં એમોનિયા ગેસ લીક થવાને કારણે 28 કામદારો બીમાર પડ્યા
• ગેસ લીકેજથી બીમાર થયેલ કામદારોમાં મોટાભાગે મહિલાઓ 

ઓડિશાના બાલાસોરમાં એક ફેક્ટરીમાં એમોનિયા ગેસ લીક​ થવાને કારણે 28 કામદારો બીમાર પડ્યા હોવાનું સામે આવ્યું છે. જેને લઈ તમામને હોસ્પિટલમાં દાખલ કરવા પડ્યા છે. ગેસ લીકેજથી બીમાર થયેલ કામદારોમાં મોટાભાગે મહિલાઓનો સમાવેશ થાય છે. બુધવાર (28 સપ્ટેમ્બર) ના રોજ બાલાસોરમાં પ્રોન પ્રોસેસિંગ પ્લાન્ટના યુનિટમાં આ અકસ્માત થયો હતો.

ઓડિશાના બાલાસોરમાં એકફેક્ટરીમાં એમોનિયા ગેસ લીક મામલે મુખ્ય જિલ્લા તબીબી અધિકારી ડૉ.જુલાલસેન જગદેવે માહિતી આપી હતી કે, 28 લોકોને કાંતાપરાના સ્થાનિક સામુદાયિક આરોગ્ય કેન્દ્રમાં દાખલ કરવામાં આવ્યા હતા. જેમાંથી 15 લોકોને બાલાસોર રિફર કરવામાં આવ્યા હતા. અધિકારીએ કહ્યું કે, અત્યાર સુધીમાં માત્ર સાત મજૂરોને બાલાસોર જિલ્લા મુખ્યાલય હોસ્પિટલમાં ખસેડવામાં આવ્યા છે, જેમાંથી ચારની હાલત ગંભીર છે અને ત્રણ લોકોને હોસ્પિટલમાંથી રજા આપવામાં આવી છે.

સૂત્રોનું માનીએ તો જે પ્લાન્ટમાં અકસ્માત થયો હતો તે રવીન્દ્ર જેના માલિકીનો છે તે સત્તાધારી બીજુ જનતા દળના પૂર્વ સાંસદના પુત્ર છે. આ દુર્ઘટના બુધવારે સાંજે લગભગ 7 વાગ્યે કાંતાપરાના ગડાભંગા ગામમાં સ્થિત હાઇલેન્ડ સીફૂડ પ્રોસેસિંગ સેન્ટરમાં બની હતી.અકસ્માતની માહિતી મળતાની સાથે જ સ્થાનિક પોલીસ તાત્કાલિક ઘટનાસ્થળે પહોંચી હતી અને તપાસ શરૂ કરી હતી. સ્થાનિક મીડિયા અનુસાર પાંચ મહિલાઓ સહિત નવ મજૂરોની તબિયત બગડતાં તેમને ફકીર મોહન મેડિકલ કોલેજ અને હોસ્પિટલમાં દાખલ કરવામાં આવ્યા હતા. 

While 28 were admitted to the local community health center at Khantapada, 15 are referred to Balasore. Till now only 7 workers were shifted to Balasore district headquarters hospital and out of them 4 are in serious condition & 3 are discharged: Dr Julalsen Jagdev, Balasore CDMO pic.twitter.com/O4XtSKme0G

— ANI (@ANI) September 29, 2022

પોલીસના જણાવ્યા અનુસાર આ અકસ્માતમાં કોઈનું મોત થયું નથી.પોલીસે જણાવ્યું કે, નવ મજૂરો એમોનિયા ગેસના વધુ પડતા લીકેજની ઝપેટમાં હતા, જેના કારણે તેમની હાલત ગંભીર છે. સૂત્રોના જણાવ્યા અનુસાર બુધવારે સાંજે લગભગ 4.30 વાગ્યે પ્લાન્ટમાં ગેસ લીક ​​થવાનું શરૂ થયું અને તે પછી તે સમગ્ર યુનિટમાં ફેલાઈ ગયું. અકસ્માતને પગલે સ્થળ પર અફરાતફરીનો માહોલ સર્જાયો હતો. લોકોને શ્વાસ લેવામાં તકલીફ થવા લાગી. ઘણા કામદારોએ જણાવ્યું કે, ગેસને કારણે તેઓ શ્વાસ લઈ શકતા નથી. આ મામલે વધુ અપડેટ આવવાના બાકી છે.