બોલિવૂડના મહાનાયક અમિતાભ બચ્ચન હમેશાં કોઈને કોઈ કારણે ચર્ચામાં રહે છે. ક્યારેક તેમની ફિલ્મોને કારણે તો ક્યારેક તેમની સોશિયલ મીડિયા પોસ્ટને કારણે છવાયેલા રહે છે. હવે ફરી એકવાર તેમની પેન્ટિંગને કારણે બિગ બી ચર્ચામાં આવી છે. આ પેન્ટિંગ બિગ બીના એક ફેનએ બનાવી છે.
બિગ બી એક ફેનની પ્રતિભાથી ખૂબ જ પ્રભાવિત થઈ ગયા છે
એક દિવ્યાંગ ફેનએ પગથી બિગ બીની પેન્ટિંગ બનાવી
બિગ બીએ આ પેન્ટિંગ ખરીદી લીધી
તમને જણાવી દઈએ કે, બિગ બીનો આ ફેન દિવ્યાંગ છે અને તેણે પગથી તેમની આ પેન્ટિંગ બનાવી છે. જેને જોઈને બિગ બી ઈમોશનલ થઈ ગયા છે. તેમના ફેનની પ્રસંશા કરતાં તેમણે સોશિયલ મીડિયા એકાઉન્ટ પર આ પેન્ટિંગ અને ફેનની તસવીર પણ શેર કરી છે. બિગ બી તેમના આ ફેનની પ્રતિભાથી એટલા પ્રભાવિત થઈ ગયા કે તેના ખૂબ વખાણ કર્યા છે.
તસવીરમાં બિગ બી 'ગુલાબો-સીતાબો'ના મિર્ઝા તરીકે જોવા મળી રહ્યાં છે. તસવીર શેર કરતી વખતે અમિતાભ બચ્ચને કેપ્શનમાં લખ્યું હતું - 'આ આયુષ છે. દિવ્યાંગ, શારીરિક રીતે વિકલાંગ અથવા શ્રેષ્ઠ. ખાસ કરીને વિકલાંગ. તેના હાથનો ઉપયોગ કરી શકતો નથી, તેથી તેના પગથી પેન્ટિંગ બનાવે છે. જ્યારે હું તેને ઘરે મળ્યો ત્યારે તે ખૂબ જ સારો અનુભવ હતો. તેને અને તેની શ્રેષ્ઠ પ્રતિભાને આશીર્વાદ આપું છું. આ ભેટ આપવા બદલ આભાર.
તમને જણાવી દઈએ કે, બિગ બી ફેબ્રુઆરીમાં આયુષને મળ્યા હતા. આયુષ તેમની પેન્ટિંગ લઈને બિગ બીને મળવા પહોંચ્યો હતો. જેમ જ બિગ બીને તેમના આ ખાસ ફેનની જાણકારી મળી તો તેઓ તરત તેને મળવા પહોંચા અને તેની સાથે અડધો કલાક પણ વિતાવ્યો. તેમણે આયુષની પેન્ટિંગ ખરીદી લીધી.