મુલાકાત / અમિત શાહ આજે અમદાવાદ આવશે, પેટાચૂંટણીને લઈને ગુજરાતની મુલાકાતે આવ્યા હોવાનો ગણગણાટ

• ગૃહમંત્રી અમિત શાહ આજે આવશે ગુજરાત
• 17 ઓકટોબર સુધી ગુજરાતમાં રહેશે પડાવ
• અગાઉ 17 ઓકટોબરે ગુજરાત આવવાના હતા

આજે અમિત શાહ આવશે ગુજરાત 

વિધાનસભા ચૂંટણીને લઇને બેઠકો કરે તેવી શકયતા છે.  17મી ઓકટોબરે પરત દિલ્હી ફરે તેવી પણ શકયતા છે. લોકડાઉનના 7 મહિના બાદ અમિત શાહ ગુજરાત આવશે. હાલ લીંબડી બેઠકને લઈને ભાજપ અસંમજસમાં છે અમિત શાહની અમદાવાદ મુલાકાત ચૂંટણીઓને લઈને જ યોજાઈ હોય તેવું લાગી રહ્યુ છે. 

કેન્દ્રીય ગૃહમંત્રી અમિત શાહ આજે ગુજરાત આવશે, 17 ઓકટોબર સુધી ગુજરાતમાં રહેશે, અમિત શાહના કાર્યક્રમમાં છેલ્લી ઘડીએ ફેરફાર, વિધાનસભા ચૂંટણીને લઈને બેઠકો કરે તેવી શકયતા@AmitShahOffice @AmitShah #Gujarat #ahmedabad

— VTV Gujarati News and Beyond (@VtvGujarati) October 13, 2020

મંત્રી પરસોત્તમ સોલંકીએ ભાઇ માટે માગી ટિકિટ

લીંબડી બેઠક પર ઉમેદવારની પસંદગી ભાજપ માટે માથાનો દુખાવો બની છે. લીંબડીના સમીકરણ જોતા ભાજપ અવઢવમાં છે. મંત્રી પરસોત્તમ સોલંકીએ ભાઇ માટે  ટિકિટ માગી છે. પરસોત્તમ સોલંકીએ હીરા સોલંકી માટે ટિકિટની માંગણી કરતા કોકોડું ગુંચવાયું છે. કોળી સમુદાયના મતદારોના પ્રભુત્વને લઇ પણ માગ ઉઠી રહી છે. વળી લીબડી બેઠકમાં પૂર્વ મંત્રી કિરીટસિંહ રાણાનું નામ પણ ચર્ચામાં છે અને પૂર્વ સાંસદ શંકર વેગડનું નામ પણ ચર્ચાઈ રહ્યું છે. 

કોંગ્રેસનો હાથ છોડી ભાજપનો કમળ પકડનાર પાંચ કોંગ્રેસી પૂર્વ ધારાસભ્યોને ભાજપે ટિકિટ આપી છે, જેમાં અબડાસા બેઠક પર પ્રદ્યુમનસિંહ જાડેજા મોરબી બેઠક પર બ્રિજેશ મેરજા, ધારી બેઠક પર જેવી કાકડિયા, કરજણ બેઠક પર અક્ષય પટેલ, કપરાડા બેઠક પર જીતુ ચૌધરીને ટિકિટ આપવામાં આવી છે. આ પાંચે પૂર્વ ધારાસભ્યોને રાજ્યસભાની ચૂંટણી દરમિયાન ભાજપે ટીકીટ આપવાના કમિટમેન્ટ સાથે કોંગ્રેસમાંથી રાજીનામા આપ આવ્યા હતા.

ભાજપે 8માંથી 7 ઉમેદવારોના નામ કર્યા જાહેર

1. અબડાસા - પ્રદ્યૂમનસિંહ જાડેજા
2.  મોરબી - બ્રિજેશ મેરજા
3.  ધારી - જે.વી.કાકડિયા
4. ગઢડા - આત્મારામ પરમાર
5.  કરજણ - અક્ષય પટેલ
6. ડાંગ - વિજય પટેલ
7. કપરાડા - જીતુ ચૌધરી

ગુજરાત વિધાનસભાની પેટાચૂંટણીની તારીખ જાહેર

8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.

કઇ બેઠકો પર યોજાશે ચૂંટણી

રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.

8 MLAએ રાજીનામાં આપતા યોજાશે પેટાચૂંટણી

8 બેઠકો પર ધારાસભ્યોએ રાજીનામાં આપતા પેટાચૂંટણી યોજાશે. અબડાસાથી પ્રદ્યુમનસિંહ જાડેજા, મોરબીમાંથી બ્રિજેશ મેરજા, કપરાડામાંથી અક્ષય પટેલ, ગઢડામાંથી પ્રવીણ મારૂ, ધારીમાંથી જે.વી કાકડીયા, કપરાડામાંથી જિતુ ચૌધરી, ડાંગમાંથી મંગળ ગાવિત અને લીંબડીમાંથી સોમા પટેલનું રાજીનામું પડ્યું હતું.

કોંગ્રેસે જાહેર કરેલ ઉમેદવારોની યાદી 

ગઢડા : મોહનભાઈ સોલંકી 
અબડાસા : શાંતિલાલ સંઘાણી
ધારી : સુરેશ કોટડીયા 
મોરબી : જયંતિલાલ  પટેલ
કરજણ : કીર્તિસિંહ જાડેજા