- અમિત શાહ આજથી કાશ્મીરનાં પ્રવાસે
- આખું શ્રીનગર કિલ્લામાં ફેરવાયું
- કેટલાક રસ્તાઓ ત્રણ દિવસ માટે બંધ, ખુફિયા એજન્સીઓ અલર્ટ
કેન્દ્રીય ગૃહમંત્રી અમિત શાહ શનિવારે કેન્દ્ર જમ્મૂ કાશ્મીરની ત્રણ દિવસની મુલાકાતે આવ્યા છે. આખા કાશ્મીરમાં છેલ્લા ઘણા દિવસથી આતંકવાદ ચરમસીમાએ છે અને સામે પક્ષે સેનાનું મહા ઓપરેશન ચાલી રહ્યું છે. એવામાં દેશના ગૃહમંત્રી પોતે આ ઓપરેશનને અંતિમ અંજામ આપવા મેદાને આવ્યા છે. અમિત શાહની મુલાકાતને જોતાં આખું કાશ્મીર અભેદ્ય કિલ્લામાં ફેરવાઇ ગયું છે.
શાહ પહોંચી રહ્યા છે કાશ્મીર
નોંધનીય છે કે 2019માં કાશ્મીરમાંથી ધારા 370 ખતમ કર્યા બાદ કાશ્મીરમાં અમિત શાહનો આ પહેલો પ્રવાસ છે. શ્રીનગરમાં અમિત શાહ સુરક્ષાની સમીક્ષા બેઠક રશે અને તે વાદ કાશ્મીરનાં યૂથ ક્લબનાં યુવાઓ સાથે વાતચીત કરશે.
ત્રણ દિવસ માટે રસ્તા બંધ, સુરક્ષા એજન્સીઓ એકદમ અલર્ટ
અમિત શાહના પ્રવાસનાં કારણે શ્રીનગરમાં સુરક્ષા વ્યવસ્થા ચુસ્ત કરી દેવામાં આવી છે, કેટલીય જગ્યાઓ પર ટ્રાફિકને બંધ કરી દેવામાં આવ્યો છે અને ગાડીઓની સઘન ચેકિંગ કરવામાં આવી રહી છે. શેર એ કાશ્મીર ઈન્ટરનેશનલ કન્વેન્શન સેન્ટર જનાર તમામ રસ્તાઓને ત્રણ દિવસ માટે બંધ કરી દેવામાં આવ્યા છે. ભારતીય જનતા પાર્ટીના કાર્યાલય બહાર પણ ચુસ્ત સુરક્ષા ગોઠવી દેવામાં આવી છે.
CRPF જવાનોનો ખડકલો
નોંધનીય છે કે આ સિવાય પણ કાશ્મીર ઘાટીમાં નાગરિકોની સુરક્ષાને ધ્યાનમાં રાખીને CRPF ની 50 કંપનીઓને તૈનાત કરી દેવામાં આવી છે. જુદા જુદા શહેરોમાં ઠેર ઠેર સેના દ્વારા બંકર બનાવી દેવામાં આવ્યા છે.
કેદીઓને આગ્રા મોકલી દેવાયા
કાશ્મીરમાં નાગરિકોની હત્યા બાદ સેના પણ આરપારનાં મૂડમાં છે અને સપાટો બોલાવીને 700 લોકોની ધરપકડ કરવામાં આવી છે જેમાંથી ઘણા પર પબ્લિક સેફટી એક્ટનો નિયમ લાગુ કરવામાં આવ્યો છે. જમ્મૂ કાશ્મીરમાંથી કેટલાક કેદીઓને આગ્રા ટ્રાન્સફર કરી દેવામાં આવ્યા છે.
અમિત શાહનું `મિશન કશ્મીર'
- ધારા-370 હટ્યા બાદ ગૃહમંત્રી અમિત શાહ પહેલીવાર જમ્મૂ-કશ્મીરના પ્રવાસે
- શ્રીનગરમાં બુલવર્ડ રોડ પર તા. 23થી 25 સુધી ટ્રાફિક બંધ રહેશે
- ગૃહમંત્રીની સુરક્ષાને લઈને પોલીસ અને સેના એલર્ટ
- ટાર્ગેટ કિલિંગની ઘટનાઓને લઈને ઉચ્ચ સ્તરીય સમીક્ષા બેઠક કરશે
- અમિત શાહ જમ્મૂમાં સભાને સંબોધિત કરશે
- જમ્મૂ ખાતે IITમાં નવા બ્લોકનું ઉદ્ઘાટન પણ કરશે
- ગૃહમંત્રી SKICCમાં આયોજીત લાભાર્થી સંમેલનમાં ભાગ લેશે
- કશ્મીરમાં ચાલી રહેલા વિકાસ કાર્યોની પણ સમીક્ષા કરવામાં આવશે
- પર્યટન વિકાસ સાથે જોડાયેલ પ્રોજેક્ટ પર પણ ગૃહમંત્રી ચર્ચા કરશે
- વિવિધ સુરક્ષા એજન્સીઓ અને વહીવટી અધિકારીઓની સાથે બેઠક કરશે
- આંતરિક સુરક્ષા, આતંકવાદ નિરોધક મોરચા પર સુરક્ષાદળોની રણનીતિ પર પણ ચર્ચા કરશે
- PoKમાં પાકિસ્તાન સામે વધતા વિરોધ વચ્ચે અમિત શાહનો જમ્મૂ-કશ્મીર પ્રવાસ મહત્વનો
- અમિત શાહનો પ્રવાસ જમ્મૂ-કશ્મીરમાં આતંક પર અંતિમવારની તૈયારીન રૂપે પણ જોવાઇ રહ્યો છે
તસવીરો: ANI ફાઇલ
