IPLIN
 
  • Home
  • India
  • Amit Shah gives big orders to police in action after Babal in Delhi procession

હિંસા પર કાર્યવાહી / દિલ્હી શોભાયાત્રામાં થયેલી બબાલ બાદ એક્શનમાં અમિત શાહ, પોલીસને આપ્યા મોટા આદેશ

Team VTV 10:01 PM, 16 Apr 22 | Updated: 10:48 PM, 16 Apr 22
Follow us
Amit Shah gives big orders to police in action after Babal in Delhi procession

દિલ્હીના જહાંગીર પુરી વિસ્તારમાં હનુમાન જયંતી શોભાયાત્રામાં થયેલી હિંસાને પગલે કેન્દ્રીય ગૃહમંત્રી અમિત શાહ એક્શનમાં આવ્યાં છે.

  • દિલ્હીમાં હનુમાન જયંતી શોભાયાત્રા હિંસાનો મામલો
  • ગૃહમંત્રી અમિત શાહે પોલીસ કમિશનર સાથે કરી વાત
  • કડક પગલાં ભરવાનો આપ્યો આદેશ

દિલ્હી જહાંગીરપુરીમાં હનુમાન જયંતિ શોભાયાત્રામાં થયેલી બબાલ બાદ તરત જ ગૃહમંત્રી અમિત શાહે આ ઘટનાને લઈને દિલ્હી પોલીસ કમિશ્નર સાથે વાત કરી. ગૃહમંત્રીએ પોલીસ કમિશનર સાથે વાત કરી અને કાયદો અને વ્યવસ્થા જાળવવાનો તથા તોફાનીઓ સામે કડક હાથે કામ લેવાનો નિર્દેશ આપ્યો છે. 

દિલ્હી પોલીસે લોકોને આ અપીલ કરી
દિલ્હી પોલીસ કમિશનરે લોકોને ઘરની બહાર ન નીકળવાની અને અફવાઓ પર ધ્યાન ન આપવાની અપીલ કરી છે.

તોફાનીઓને છોડાશે નહીં: કમિશનર

દિલ્હી પોલીસ કમિશનરે દાવો કર્યો હતો કે પરિસ્થિતિ નિયંત્રણમાં છે. તેમણે કહ્યું છે કે આ ઘટનામાં સામેલ બદમાશોને છોડવામાં આવશે નહીં. 

ઉપદ્રવ બાદ દિલ્હી પોલીસ એલર્ટ પર
જહાંગીરપુરીની ઘટના બાદ દિલ્હી પોલીસ એલર્ટ પર છે. દિલ્હી પોલીસના કમિશ્નરે તમામ જિલ્લાના પોલીસ અધિકારીઓને પેટ્રોલિંગ કરવાનો નિર્દેશ આપ્યો છે.

હિંસામાં બે પોલીસકર્મી ઘાયલ
દિલ્હીના જહાંગીરપુરી વિસ્તારમાં થયેલી હિંસામાં બે પોલીસકર્મી પણ ઘાયલ થયા હતા. ઘાયલ પોલીસકર્મીઓની બાબુ જગજીવન રામ હોસ્પિટલમાં સારવાર ચાલી રહી છે. સૂત્રોના જણાવ્યા અનુસાર, બદમાશોએ પથ્થરમારો કરવાની સાથે સાથે બેથી ત્રણ રાઉન્ડ ફાયરિંગ પણ કર્યું હતું.

આખો વિસ્તાર છાવણીમાં ફેરવાઈ ગયો
જહાંગીરપુરીમાં થયેલી હિંસા બાદ દિલ્હી પોલીસે સુરક્ષા વધારી દીધી છે. સમગ્ર વિસ્તાર છાવણીમાં ફેરવાઈ ગયો છે. વધારાના સુરક્ષા દળોને તૈનાત કરવામાં આવ્યા છે.

amit shah delhi violance Hanuman Jayanti procession અમિત શાહ દિલ્હી હિંસા હનુમાન જયંતિ શોભાયાત્રા ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ