ગજબ / બેટિંગ પહેલા શા માટે ધોની ચાવે છે પોતાનું બેટ? આ દિગ્ગજ પૂર્વ ક્રિકેટરે કર્યો ચોંકાવનાર ખુલાસો

• ધોની મેચ પહેલા ચાવે છે બેટ 
• અમિત મિશ્રાએ જણાવ્યું આ પાછળનું કારણ 
• બેટને સાફ કરવા માટે ધોની આમ કરે છે 

ચેન્નાઈ સુપર કિંગ્સનાં કેપ્ટન મહેન્દ્ર સિંહ ધોની બેસ્ટ ફિનિશર્સમાંના એક છે. IPL 2022માં પણ ધોની કમાલ કરી રહ્યા છે. આ સીઝનમાં પણ એમએસ ધોની ચેન્નાઈ માટે મેચ ફિનિશ કરવાનું કામ કરી રહ્યા છે. દિલ્હી કેપિટલ્સ સામે રમવામાં આવેલ મેચમાં તેમણે કમાલ કરી બતાવી. પરંતુ આ મેચમાં ધોનીનો એક ફોટો વાયરલ થઇ રહ્યો છે, જેમાં તેઓ પોતાનું બેટ ચાવતા જોવા મળે છે. ધોની આમ શા માટે કરે છે તેનો ખુલાસો એક ભારતીય ખેલાડીએ કર્યો છે. 

ધોની શા માટે ચાવે છે પોતાનું બેટ?
એમએસ ધોની આ પહેલા પણ પોતાનું બેટ ચાવતા જોવા મળ્યા છે. ધોની બેટિંગ પહેલા આમ શા માટે કરે છે, એ વાતન ઓ ખુલાસો ભારતીય દિગ્ગજ સ્પિનર અમિત મિશ્રાએ કર્યો છે. અમિત મિશ્રાએ ટ્વીટ કરીને જણાવ્યું છે કે એમએસ ધોની પોતાના બેટને સાફ કરવા માટે આમ કરે છે. અમિત મિશ્રાએ ટ્વીટમાં લખ્યું છે કે ધોની મોટેભાગે પોતાનું બેટ કેમ ખાય છે. તે બેટથી ટેપને હટાવવા માટે આમ કરે છે કેમકે તેમને પસંદ છે કે તેમનું બેટ સાફ હોય. તમે એમએસ ધોનીને બેટથી એક પણ ટેપ કે દોરો નીકળતા નહીં જોયા હોય. 

In case you’re wondering why Dhoni often ‘eats’ his bat. He does that to remove tape of the bat as he likes his bat to be clean. You won’t see a single piece of tape or thread coming out of MS’s bat. #CSKvDC #TATAIPL2022

— Amit Mishra (@MishiAmit) May 8, 2022

DC સામે ધોનીની કમાલ 
એમએસ ધોનીએ દિલ્હી કેપિટલ્સ સામે એક કમાલ કરી બતાવી. તેમણે 8 બોલ પર 21 રન બનાવ્યા.  આ દરમિયાન તેમણે 1 ચોક્કો અને 2 સિક્સર મારી. આ મેચમાં તેમણે 262.50નાં સ્ટ્રાઈક રેટથી રન બનાવ્યા. IPL 2022માં એમએસ ધોનીએ 11 મેચમાં 32.60ની સરેરાશે 163 રન બનાવ્યા છે. આ સીઝનમાં તેમણે એક અડધી સદી પણ ફટકારી છે. ધોનીનાં કેપ્ટન તરીકે પાછા ફરતા જ ચેન્નાઈ સુપર કિંગ્સની ટીમ જીતની પટરી પર પરત ફરી.