રાજકારણ / અમિત માલવિયાએ પ્રશાંત કિશોરની કથિત ઓડિયો ચેટ વાયરલ કરી કહ્યું તેઓ પણ માને છે કે મોદી પોપ્યુલર, પ્રશાંતે આપ્યો જવાબ

• ભાજપે પ્રશાંત કિશોરનો એક કથિત ઓડિયો લીક કર્યો
•  આ મારી ચેટનો એક નાનકડો ભાગ છે- પ્રશાંત
• ટીએમસીના આંતરિક સર્વેક્ષણોમાં ભાજપની જીત રહી છે- અમિત માલવીયા

ભાજપે પ્રશાંત કિશોરનો એક કથિત ઓડિયો લીક કર્યો

પશ્ચિમ બંગાળમાં ચૌથા ચરણના મતદાન પહેલા ભાજપે તૃણમૂલ કોંગ્રેસના ચૂંટણી રણનીતિકાર પ્રશાંત કિશોરનો એક કથિત ઓડિયો લીક કર્યો છે. જેમાં તે ક્લબહાઉસ એપ પર સિલેક્ટેડ પત્રકારોની સાથે ચર્ચા કરી રહ્યા છે કે રાજ્યમાં મુખ્યમંત્રી મમતા બેનર્જી અને પીએમ મોદીની લોકપ્રિયતા સમાન છે. ભાજપ આઈટી સેલના પ્રમુખ અમિત માલવીયાએ ઓડિયો ટ્વીટ કર્યો છે. પ્રશાંત કિશોર એમ પણ કહી રહ્યા છે કે રાજ્યમાં સત્ત વિરોધી લહેર છે અને 50 ટકાથી વધારે હિંદુ મોદીના કારણે વોટ કરશે. જો કે સોશિયલ મીડિયા આ કથિત ઓડિયો વાયરલ થયા બાદ પ્રશાંતે કહ્યું કે ઓડિયોનો સિલેક્ટેડ ભાગ લીક કરવાની જગ્યાઓ ભાજપે આખો ઓડિયો નાંખવો જોઈએ.

Glad BJP's taking my clubhouse chat more seriously than words of its leaders. On selective use of part of conversation, urge them to release full conversation: Prashant Kishor to ANI on leaked audio where he's saying "Modi, Mamata equally popular" among Bengal poll-related things pic.twitter.com/8LTUv6gRjX

— ANI (@ANI) April 10, 2021

 આ મારી ચેટનો એક નાનકડો ભાગ છે- પ્રશાંત

વાયરલ કથિત ઓડિયો ક્લિપ પર પ્રશાંત કિશોરની પ્રતિક્રિયા સામે આવી છે. તેમણે કહ્યું કે આ ખુશીની વાત છે કે ભાજપના લોકો મારા ક્લબહાઉસ ચેટને પોતાના નેતાઓના સંબોધનથી વધારે મહત્વ આપે છે. આ મારી ચેટનો એક નાનકડો ભાગ છે. તેમને અપીલ છે કે આખો ભાગ જારી કરે.

ટીએમસીના આંતરિક સર્વેક્ષણોમાં ભાજપની જીત રહી છે

અમિત માલવીયાએ એક બાદ એક કુલ ચાર ટ્વીટ કર્યા છે.  તેમણે લખ્યું છે કે ક્લબહાઉસની એક સાર્વજનિક વાતચીતમાં મમતા બેનર્જીના ચૂંટણી રાજનીતિકારનું માનવું છે કે ટીએમસીના આંતરિક સર્વેક્ષણોમાં ભાજપની જીત રહી છે. વોટ મોદી માટે છે. ધ્રુવીકરણ એક વાસ્તવિકતા છે.  બંગાળની 27 ટકા આબાદી મતુઆ સમુદાય ભાજપ માટે વોટ કરી રહી છે. ભાજપ પાસે જમીન પર કેડર છે.

બોલનારાઓને અહેસાસ નહોતો તે ચેટ સાર્વજનિક હતી

અમિત માલવીયાએ આગળ લખ્યુ મમતા બેનર્જીના ચૂંટણી રણનીતિકારનું એ માનવું છે કે વામ, કોંગ્રેસ અને ટીએમસીએ ગત 20 વર્ષોમાં મુસ્લિમ તુષ્ટિકરણ કર્યુ છે. આના ચાલતા જમીન પર આક્રોશ છે અને હિંદુઓનું ધ્રુવીકરણ થયું છે. બોલનારાઓને અહેસાસ નહોતો તે ચેટ સાર્વજનિક હતી. અમિત માલવિયાએ વધુ એક ચેટની વાતચીતથી પોતાના શબ્દોમાં લખ્યુ, મોદી બંગાળમાં બહું લોકપ્રિય છે અને એમાં કોઈ શંકા નથી. દેશભરમાં તેમના ફોલોઅર્સ છે. મમતા બેનર્જીના રણનીતિકારે કહ્યું કે ટીએમસીની વિરુદ્ધ એન્ટી ઈનકંબેન્સી છે. ધ્રુવીકરણ એક વાસ્તવિકતા છે.

In a public chat on Club House, Mamata Banerjee’s election strategist concedes that even in TMC’s internal surveys, BJP is winning.

The vote is for Modi, polarisation is a reality, the SCs (27% of WB’s population), Matuas are all voting for the BJP!

BJP has cadre on ground. pic.twitter.com/3ToYuvWfRm

— Amit Malviya (@amitmalviya) April 10, 2021

આ ચેટને લઈને ભાજપ તરફથી પ્રતિક્રિયા આવવાની શરુ થઈ ગઈ

સોશિયલ મીડિયા પર વાયરલ આ ચેટને લઈને ભાજપ તરફથી પ્રતિક્રિયા આવવાની શરુ થઈ ગઈ. ભાજપના નેતા રાજીવ બેનર્જીએ કહ્યું જે દિવસો પ્રશાંત કિશોરે ટ્વીટ કરી હતી કે ભાજપ 3 આંકોમાં નહીં પહોંચે. આગલા દિવસે મે કહ્યું હતુ કે ટીએમસી 3 આંકમાં નહીં પહોંચે. પ્રશાંત કિશોરની કથિત ઓડિયો ટેપથી  સ્પષ્ટ છે કે તે ફેલ છે. બંગાળમાં રણનીતિકારની રણનીતિ કામ નહીં આવે. ત્યારે ભાજપના નેતા લોકેટ ચેટર્જીએ કહ્યું કે પ્રશાંત કિશોર જાણે છે કે મોદીજી બેસ્ટ છે અને મોદીજીના નેતૃત્વમાં સોનાર બાંગ્લા હશે.