સીમા વિવાદ / ચીન સાથેના વિવાદ વચ્ચે ભારત અહીં બનાવશે એશિયાની સૌથી લાંબી ટનલ, જાણો શું છે ખાસ 

• ભારત બનાવશે એશિયાની સૌથી લાંબી ટનલ 
• એક મહિનામાં શરૂ થવા જઈ રહ્યું છે કામ 
• જોજિલા પાસ ટનલ માટે ટેન્ડર બહાર પડાયું હતું 

હૈદરાબાદ સ્થિત મેગા કન્સ્ટ્રક્શન્સ કંપની, જેણે 14.150 કિલોમીટર લાંબી ટનલના નિર્માણ માટે ટેન્ડર મેળવ્યું હતું, કામ શરૂ કરતા પહેલા ઔપચારિકતાઓ પૂર્ણ કરી લીધી છે.આ પ્રોજેક્ટને બે તબક્કામાં વહેંચવામાં આવ્યો છે, જેનો પ્રથમ તબક્કો અઢી વર્ષમાં અને બીજો 6.5 વર્ષમાં પૂર્ણ થશે. ઝોજિલા રોડ ટનલ ના નિર્માણ માટેની ટેન્ડર પ્રક્રિયા જુલાઈ 2020 માં શરૂ કરવામાં આવી હતી. 

સમુદ્ર સપાટીએ થી 11500 ફૂટ જેટલી ઊંચી હશે ટનલ 

સમુદ્ર સપાટીથી 11578 ફૂટની ઊંચાઇએ આ તનલનું નિર્માણ થશે. મેઘા કન્સ્ટ્રક્શન્સની બોલી લાર્સન અને ટુબ્રો અને ઇર્કોન કરતા ઓછી હતી. ઓગસ્ટમાં ટેન્ડર બહાર પાડવામાં આવ્યું હતું. તે જ સમયે, NHIDCL નો સાઇટ કેમ્પસ પણ ઝોજિલા રોડ ટનલ ના નિર્માણ માટે તૈયાર કરવામાં આવ્યો છે. કોર્પોરેશનના વરિષ્ઠ અધિકારીએ જણાવ્યું હતું કે તકનીકી તૈયારીઓ પૂર્ણ કરી લેવામાં આવી છે. એક મહિનામાં ઝોજિલા રોડ ટનલ પ્રોજેક્ટ પર કામ શરૂ થશે.

ઝોજિલા અને રોહતાંગ ને મળશે વ્યૂહાત્મક મજબૂતી 

લદ્દાખ ના કેન્દ્રશાસિત પ્રદેશ એક બાજુથી LAC પર ચીન અને LOC થી પાકિસ્તાન સાથે સીમા ધરાવે છે. ઊંચા પર્વત હોવાને કારણે માર્ગ કનેક્ટિવિટી છ મહિના અથવા તેથી વધુ સમય માટે કપાઈ જાય છે. લેહ-મનાલી માર્ગ પરની રોહતાંગ ટનલ અને લેહ-શ્રીનગર રાષ્ટ્રીય ધોરીમાર્ગ પરની ઝોઝિલા ટનલ, બાર મહિના સુધી લદ્દાખને માર્ગ ધોરીમાર્ગ સાથે જોડવામાં મદદ કરશે.

સાડા ​​ત્રણ કલાકની યાત્રા પંદર મિનિટમાં પૂર્ણ થશે

દુનિયાના સૌથી મુશ્કેલ રસ્તાઓમાંથી એક, ઝોજિલા પાસનો રસ્તો હાલમાં પસાર થવામાં સાડા ત્રણ કલાકનો સમય લે છે. બરફવર્ષા દરમિયાન શ્રીનગરથી કારગિલ પહોંચવામાં 10 થી 12 કલાકનો સમય લાગે છે. ઝોજિલા રોડ ટનલ થી પંદર મિનિટમાં પૂર્ણ થશે.

ડિઝાઇન બદલાઈ, અંદાજિત ખર્ચ ઓછો થયો

વડા પ્રધાન નરેન્દ્ર મોદીએ મે 2018 માં ઝોજિલા રોડ ટનલ ના નિર્માણનો પાયો નાખ્યો હતો, પરંતુ આઈએસ એન્ડ એફએસએ વધતા ખર્ચને કારણે પ્રોજેક્ટ છોડી દીધો હતો. નવી પ્રસ્તાવમાં, ટનલની અંદાજિત કિંમત 8 હજાર કરોડ હતી, જે ફરીથી ડિઝાઇન કરવામાં આવી છે અને લગભગ અડધી થઈ ગઈ છે. મેઘા ​​કન્સ્ટ્રક્શન્સને આપવામાં આવેલું કામ 4429.83 કરોડનું છે.