ઈંધણ ભાવવધારો / ભારતે ધમકી આપી તો સાઉદીએ સામે એવું પગલું ભર્યુ કે પેટ્રોલના ભાવ ભડકે બળશે

• સાઉદી અરેબિયાએ એશિયાન ક્રૂડમાં પ્રતિ બેરલે 0.4 ડોલરનો વધારો કર્યો
• અમેરિકા માટેના ક્રૂડમાં બેરલ દીઠ 01. ડોલરનો ઘટાડો કર્યો
• ક્રૂડ આયાતમાં કાપ મૂકવાના ભારતના નિર્ણયની કોઈ અસર નહીં પડે-સાઉદી અરબ 

સાઉદી અરામ્બકો દ્વારા જારી એક નિવેદન અનુસાર, દુનિયાના સૌથી મોટો ક્રૂડ ઓઈલ ઉત્પાદક દેશ સાઉદી અરબે એશિયન માર્કેટ માટેના ક્રૂડના ભાવમાં વધારો કર્યો છે પરંતુ અમેરિકા અને યુરોપીયન માર્કેટ માટેના ક્રૂડમાં બેરલ દીઠ 01. ડોલર અને 0.2 ડોલર ક્રમશનો ઘટાડો કર્યો છે. 

 આયાતમાં કાપ મૂકવાના ભારતના નિર્ણયની તેની પર કોઈ અસર પડવાની નથી

સાઉદી અરબ સ્પસ્ટ જણાવ્યું છે કે ક્રૂડ આયાતમાં કાપ મૂકવાના ભારતના નિર્ણયની તેની પર કોઈ અસર પડવાની નથી. 

સાઉદી અરબે ક્રૂડ ઓઈલના ભાવમાં સત્તાવાર વેચાણ મૂલ્યમાં 20-30 ટકાનો વધારો કર્યો

બ્લૂમબર્ગનો રિપોર્ટ જણાવે છે કે સાઉદી અરબે ક્રૂડ ઓઈલના ભાવમાં સત્તાવાર વેચાણ મૂલ્યમાં 20-30 ટકાનો વધારો કર્યો છે. સાઉદી અરબની સરકારી કંપની અરામ્બકો કરાર પ્રમાણે દર મહિને ક્રૂડના ભાવ નક્કી કરે છે. ઘણા પશ્ચિમ એશિયાઈ ઉત્પાદ દેશોએ ઈંધણના ભાવમાં ઘટાડો કરવાનો પણ સંકેત આપ્યો છે.

ભારત ક્રૂડ ઓઈલના ઉત્પાદનમાં આત્મનિર્ભર બનવા માંગે છે

ભારતે તેની રિફાનરીઓને સાઉદી અરબની આયાતમાં ઘટાડો કરવાનું પણ ક્રુડનું ઉત્પાદન વધારવાનુ જણાવ્યું હતું. ક્રૂડના ભાવમાં ઘટાડો કરવાની ભારતની વિનંતી ઠુકરાવી દેતા સાઉદ અરબે ભાવ વધારી દીધા હતા. સરકારી સૂત્રોના જણાવ્યાનુસાર સરકારે ઓઈલ કંપનીઓને વચલો માર્ગ કાઢવાનું જણાવ્યું છે કારણ કે ભારત હવે મીડલ ઈસ્ટના દેશોના મનમાની નિર્ણયોને માથે ન ચડાવી શકે.