USની બિડેન સરકારે ગયા અઠવાડિયે પાકિસ્તાનના જૂના F-16 ફાઇટર એરક્રાફ્ટની જાળવણી માટે $450 મિલિયન (45 કરોડ ડોલર) પેકેજને મંજૂરી આપી
પાકિસ્તાનને તેની સુરક્ષા મજબૂત કરવા અમેરિકાએ કરી આર્થિક મદદ
ભારતે કડક શબ્દોમાં અમેરિકા દ્વારા પાકિસ્તાનને કરાયેલી મદદનો વિરોધ નોંધાવ્યો
બંને દેશો સાથે સારા સંબંધો જાળવવા જોઈએ: અમેરિકા
ભારતે અમેરિકા દ્વારા પાકિસ્તાનને તેની સુરક્ષા મજબૂત કરવા માટે આપવામાં આવતી આર્થિક મદદનો સખત વિરોધ કર્યો છે. વાત જાણે એમ છે કે, યુએસની બિડેન સરકારે ગયા અઠવાડિયે પાકિસ્તાનના જૂના F-16 ફાઇટર એરક્રાફ્ટની જાળવણી માટે $450 મિલિયન ($450 મિલિયન) પેકેજને મંજૂરી આપી હતી. બિડેન પ્રશાસનના આ નિર્ણયથી ભારત ખૂબ નારાજ છે. કારણ કે, આવું કરતા પહેલા અમેરિકાએ ભારત સાથે વાત કરી ન હતી અને ન તો આ નિર્ણય અંગે કોઈ માહિતી શેર કરી હતી.
ભારત અને પાકિસ્તાન વચ્ચે અલગ-અલગ મુદ્દે તણાવ ચાલુ છે. પાડોશી દેશોની આતંકવાદી ગતિવિધિઓ પણ આ દિવસોમાં ભારત માટે મોટી મુશ્કેલીનું કારણ બની ગઈ છે. આવી સ્થિતિમાં આ બાબત ભારતના ધ્યાન પર લાવ્યા વિના અમેરિકા દ્વારા ફાઇટર જેટ્સ માટેના પેકેજની જાહેરાતને મોટો ફટકો પડશે. હકીકતમાં આ નિર્ણય દ્વારા બિડેન સરકારે વર્ષ 2018 માં તત્કાલિન રાષ્ટ્રપતિ ડોનાલ્ડ ટ્રમ્પના નિર્ણયને પલટી નાખ્યો હતો. જેમાં તેણે પાકિસ્તાનને સુરક્ષા મદદ આપવાનો સ્પષ્ટ ઈન્કાર કર્યો હતો અને કહ્યું હતું કે, પાકિસ્તાન આતંકવાદ સામેની લડાઈમાં અમેરિકાને મદદ નથી કરી રહ્યું.
બંને દેશો સાથે સારા સંબંધો જાળવવા જોઈએ: અમેરિકા
પાકિસ્તાનને આપવામાં આવતી મદદ સામે ભારતના વિરોધ પર અમેરિકાએ કહ્યું કે, પાકિસ્તાન અને ભારતના સંબંધો અલગ છે. એવું બિલકુલ નથી કે બે દેશો વચ્ચેના સંબંધો સારા ન હોય તો એ બેમાંથી એક સાથે સારા અને બીજા સાથે ખરાબ સંબંધ રાખવા જોઈએ. અમેરિકાએ ભારત અને પાકિસ્તાન બંને સાથે સારા સંબંધો રાખવા જોઈએ. એક ખાનગી ચેનલને આપેલા ઈન્ટરવ્યુ દરમ્યાનઅમેરિકી અધિકારી ડોનાલ્ડ લુએ કહ્યું કે, પાકિસ્તાનને આપવામાં આવતી મદદમાં કોઈ વિમાન કે કોઈ હથિયાર સામેલ નથી. પાકિસ્તાનને આ મદદ માત્ર એટલા માટે આપવામાં આવી છે જેથી તે પોતાના સુરક્ષા હથિયારોને જાળવી શકે. અમેરિકાએ કહ્યું કે, પાકિસ્તાન આ રકમ દ્વારા આતંકવાદ સામેની લડાઈમાં અમેરિકાની મદદ કરશે. તેનાથી અમેરિકાની રાષ્ટ્રીય સુરક્ષા અને વિદેશ નીતિ મજબૂત થશે.
US decision to boost Pak’s F16 fleet sets back India-US ties. Raises issues of trust/reliability.If US refuses to choose between India& Pak & arms our adversary why sh’d India choose sides on Ukraine& dilute ties with Russia. Reasons given for US decision hark back to Cold War.
ભારતના પૂર્વ વિદેશ સચિવ કંવલ સિબ્બલે અમેરિકાના આ નિર્ણય સામે જોરદાર વિરોધ વ્યક્ત કર્યો અને કહ્યું કે, અમેરિકાએ ફંડ આપીને પાકિસ્તાનના ફાઈટર જેટ F-16ને મજબૂત કરવાનો પ્રયાસ કર્યો છે. તેનાથી ભારત અને અમેરિકાના સંબંધોને મોટો ફટકો પડ્યો છે. અમેરિકાના આ નિર્ણયથી તેની વિશ્વસનીયતા પર પણ સવાલો ઉભા થાય છે. પાકિસ્તાન પહેલેથી જ ચીનનો નજીકનો મિત્ર છે. તે ચીન પાસેથી 47 ટકા હથિયાર ખરીદે છે. આ ફાઈટર એરક્રાફ્ટ (F-16)નો ઉપયોગ પાકિસ્તાને બાલાકોટ સ્ટ્રાઈક દરમ્યાન ભારત વિરુદ્ધ કર્યો હતો.