અમેરિકામાં ભયાનક દુર્ઘટના સામે આવી છે. અમેરિકાના સાઉથ ડકોટામાં પ્લેન ક્રેશ થયું. સ્થાનિક મીડિયા અનુસાર પ્લેનમાં કુલ 12 લોકો સવાર હતાં જેમાંથી 9 લોકોના મૃત્યુ થયેલ છે જયારે 3 ગંભીર રીતે ઈજાગ્રસ્ત છે. ઈજાગ્રસ્ત લોકોને હોસ્પિટલ ખસેડવામાં આવ્યા છે.
બે બાળકો સહિત 9નાં મોત
હવામાન વિભાગ દ્વારા વાવાઝોડાની આશંકા દર્શાવવામાં આવી હતી
નેશનલ ટ્રાન્સપોર્ટેશન સેફટી વિભાગે તપાસ શરૂ કરી
મૃત્યુ પામેલ લોકોમાં 2 બાળકોનો સમાવેશ પણ થાય છે. નોંધનીય છે કે અમેરિકાના હવામાન વિભાગ દ્વારા વાવાઝોડાંની આશંકા દર્શાવવામાં આવી હતી.
વિમાને ચેમ્બરલેનથી ઉડાન ભરી હતી. બધા જ પેસેન્જર ઇદાહો ફોલ્સ જોવા જઈ રહ્યાં હતા. અમેરિકામાં સાઉથ ડકોટામાં બરફનાં વાવાઝોડાંની આશંકા છતાં તે લોકોએ ઉડાન ભરી જે બાદ વિમાન દુર્ઘટનાગ્રસ્ત થયું. દુર્ઘટના ત્યાંના સ્થાનિક સમય અનુસાર બપોરનાં સમયે થઇ. જોકે હવે નેશનલ ટ્રાન્સપોર્ટેશન સેફટી વિભાગે એક ટ્વિટ દ્વારા જણાવ્યું કે પિલાટસ પીસી-12 વિમાન ક્રેશની તપાસ શરુ કરી દેવામાં આવી છે