નવરાત્રી / સુપ્રસિદ્ધ યાત્રાધામ અંબાજી મંદિર નવરાત્રીમાં નવેય દિવસ ખુલ્લું રહેશે, સમયમાં કરાયો ફેરફાર

• સુપ્રસિદ્ધ યાત્રાધામ અંબાજી મંદિરને લઈ મોટા સમાચાર
• નવરાત્રીમાં અંબાજી મંદિર નવેય દિવસ ખુલ્લું રહેશે
• અંબાજી મંદિર ટ્રસ્ટે સમયમાં ફેરફાર કર્યો છે

કોરોનાના કારણે ચૈત્રી નવરાત્રીમાં બંધ રાખવામાં આવેલા સુપ્રસિદ્ધ યાત્રાધામ અંબાજી મંદિર આસો નવરાત્રીમાં નવેય દિવસ ખુલ્લું રહેશે. તેને લઇને મંદિર ટ્ર્સ્ટ દ્વારા અંબાજી મંદિરના દર્શનનો સમય બદલવાનો નિર્ણય લેવામાં આવ્યો છે. નવરાત્રીના દિવસોમાં મા અંબાની પૂજા-અર્ચના અને આરતી માટે સમય નક્કી કરવામાં આવ્યો છે. 

17 ઓક્ટોબર 2020થી આસો નવરાત્રી શરૂ થઈ રહી છે. ત્યારે મંદિર ટ્રસ્ટ દ્વારા ભક્તો માટે આરતી અને દર્શનના સમયમાં ફેરફાર કરવામા આવ્યો છે. નવરાત્રીમાં આઠમના દિવસે સવારે 6 વાગ્યે આરતી થશે. અંબાજી મંદિર ટ્રસ્ટ તરફથી પ્રેસનોટ પણ જાહેર કરવામાં આવી છે.

અંબાજી મંદિર ટ્રસ્ટ તરફથી 17/10/2020થી સમય નીચે મુજબ રહેશે.

અંબાજી મંદિરમાં આરતીનો સમય

• સવારે આરતી 7:30 વાગે થશે.
• સાંજે આરતી 6:30 વાગે થશે.
• બપોરે મંદિર 4:15 વાગે બંધ થશે.

અંબાજી મંદિર નવરાત્રી દર્શન સમય

• સવારે આરતી 7:30થી 8
• સવારે દર્શન 8થી 11:30
• બપોરે રાજભોગ 12 વાગે
• બપોરે દર્શન 12:30થી 4: 15
• સાંજે આરતી 6:30થી 7:00
• સાંજે દર્શન 7થી 9

અંબાજી મંદિર ઘટ સ્થાપન પ્રથમ નવરાત્ર

• 17/10/2020 - સવારે 8:15થી 9: 00