Amazonએ પોતાની એક મહિલા કર્મચારીને વારંવાર ટોઈલેટ જવાના કારણે જોબમાંથી કાઢી મુકી છે.
Amazonને મહિલાને નોકરીમાંથી કાઢી મુકી
વારંવાર લેતી હતી બાથરૂમ બ્રેક
ડોક્ટરનું સર્ટિફિકેટ ન મળ્યું તો જોબથી કાઢી મુકી
Amazon પોતાના કર્મચારીઓ પ્રત્યે ખૂબ સ્ટ્રિક્ટ છે. એક એવો મામલો સામે આવ્યો છે કે તે વાંચીને તમને નવાઈ લાગશે. Amazonએ પોતાની એક મહિલા કર્મચારીને વારંવાર ટોઈલેટ જવાના કારણે જોબમાંથી કાઢી મુકી છે.
Amazonએ આપ્યો 5 દિવસનો સમય
એક મહિલાએ કથિત રીતે વારંવાર લૂ બ્રેક પર જવાને લઈને નોકરી પરથી કાઢી મુકવાના કારણે Amazon સામે ફરીયાદ દાખલ કરી છે. મહિલાનું કહેવું છે કે તે ઈરિટેબલ બોવેલ સિંડ્રોમથી પીડિત છે માટે તેમે દિવસમાં વારંવાર બાથરૂમ જવુ પડે છે. એક રિપોર્ટ અનુસાર મહિલાએ જ્યારે પોતાની સમસ્યા જણાવી તો તેને ડોક્ટરનું સર્ટિફિકેટ લાવવા કહેવામાં આવ્યું હતું.
ડોક્ટરનું સર્ટિફિકેટ ન મળ્યું તો જોબથી કાઢી મુકી
Amazonના વેર હાઉસમાં કામ કરનાર મારિયા જેનાઈટ ઓલિવરોએ એમેઝોને ડોક્ટરનું સર્ટિફિકેટ લાવવા માટે 5 દિવસનો સમય આપ્યો હતો. પરંતુ તેને સર્ટિફિકેટ લાવવામાં સમય લાગતા કંપનીએ મહિલાને જોબ પરથી કાઢી મુકી હતી. ત્યાં જ મહિલાનું કહેવું છે કે તેને 6 દિવસ સુધી ડોક્ટરની કોઈ અપોઈન્ટમેન્ટ ન હતી મળી.
માંગ્યુ 55 લાખનું વળતર
મહિલાએ હવે એમેઝોન પર ભેદભાવનો કેસ કર્યો છે. અદાલતે એક કેસ દાખલ કર્યો છે અને મહિલાએ અયોગ્ય રીતે નોકરીમાંથી કાઢી મુકવા માટે 75 હજાર ડોલરનું વળતર માંગ્યું છે.