રાજરમત / ગુજરાતમાં વિધાનસભા ચૂંટણી પહેલા અલ્પેશ ઠાકોર સક્રિય, ડીસામાં જાણો કઈ પાર્ટીને આપી ચેતવણી

• ડીસામાં ઠાકોર સેનાની બેઠક
• અલ્પેશ ઠાકોરની આગેવાનીમાં બેઠક
• અલ્પેશ ઠાકોરના ભાજપ પર પ્રહાર

બનાસકાંઠાના ડીસામાં ઠાકોર સેનાની જિલ્લા કારોબારીની બેઠક યોજાઇ હતી. જેમાં ઠાકોર સેનાના પ્રમુખ અલ્પેશ ઠાકોર હાજર રહ્યાં હતા. આ બેઠક દરમિયાન અલ્પેશ ઠાકોરે ભાજપ અને કોંગ્રેસ પર પ્રહાર કર્યા હતા. અને કહ્યું હતું કે ઠાકોર સમાજની અવગણના થઇ રહી છે. એટલે ભાજપ-કોંગ્રેસને ઠાકોર સમાજની કદર કરવા એકરીતે ચેતવણી આપી હતી. જો ઠાકોર સમાજની અવણના થશે તો આગામી ચૂંટણીમાં પરિણામ ભોગવવા પડશે તેવી પણ અલ્પેશ ઠાકોરે ચીમકી ઉચ્ચારી હતી. વધુમાં કહ્યું કે આ બેઠક માત્ર સમાજના હિતને લઈને યોજાઈ હતી. બેઠકમાં માત્ર વ્યસનમુક્તિ, શિક્ષણને લઇ ચર્ચા કરાઇ હતી.

ચૂંટણી નજીક આવતા જ ફરી બનાસકાંઠામાં ઠાકોર સેના જાગૃત બની છે અને આજે જિલ્લા ઠાકોર સેનાની કારોબારી બેઠક ડિસાના ભાજપના અગ્રણી અને પાર્ટીથી નારાજ લેબજી ઠાકોરના કોલ્ડસ્ટોરેજ પર યોજાઈ હતી. જેમાં ઠાકોર સેનાના સુપ્રીમો અને પૂર્વ ધારાસભ્ય અલ્પેશ ઠાકોર હાજર રહ્યા હતા. ત્યારે આ બેઠકમાં જિલ્લાભરમાંથી હજારો ઠાકોર સમાજના આગેવાનો અને કાર્યકરો ઉપસ્થિત રહ્યા હતા. કારોબારીની બેઠકમાં સમાજમાં શિક્ષણ, સંગઠન અને વ્યસનમુક્તિ સાથે રાજનીતિમાં એકજૂથ થવાની ચર્ચાઓ થઈ હતી. જોકે આડકતરી રીતે ભાજપ કોંગ્રેસને ઠાકોર સમાજની કદર કરવા ચેતવણી આપી હતી. સાથે અલ્પેશ ઠાકોરે જણાવ્યું કે, આ બેઠક માત્ર સમાજના હિતને લઈને યોજાઈ હતી. ચૂંટણી ન હોય તોય બેઠક અને વ્યસનમુક્તિના કાર્યક્રમો ચાલુ હોવાનું જણાવ્યું હતું.