અલ્જિરીયામાં સેનાનું પ્લેન ક્રેશ થતાં 100થી વધુ લોનિપજ્યા હોવાની આશંકા છે. બૉફૈરિક એરપોર્ટ પર આ પ્લેન ક્રેશ થયું છે. આ ઘટનાની જાણ થતાં જ ફાયર બ્રિગેડની 10થી વધુ ગાડી ઘટનાસ્થળે પહોંચી ગઈ હતી. અને 14 જેટલી એમ્બ્યુલન્સ દ્વારા ઈજાગ્રસ્તોને સારવાર અર્થે હોસ્પિટલમાં ખસેડવામાં આવી રહ્યા છે. જોકે આ દુર્ઘટનામાં મૃત્યુઆંક હજુ વધે તેવી શક્યતા છે.
ઉલ્લેખનીય છે કે 'અલ અરેબિયા'ના જણાવ્યા પ્રમાણે દુર્ઘટનાસ્થળ દેશની રાજધાની અલ્જીયર્સથી 30 કિલોમીટર દૂર હોવાનું માનવામાં આવેલ છે. જો કે આ અકસ્માતમાં કોઇ પણ બચવા પામ્યુ નથી. જાણીતી ન્યૂઝ કંપની BBCના મતે તો મૃતક આંક 100ને પાર પણ જઇ શકવાની સંભાવની દેખાઇ રહી છે. આપને જણાવી દઇએ કે આ વિમાન દક્ષિણ પશ્ચિમી અલ્જીરિયા માટે રવાના થયું હતું. જો કે થોડા જ સમયમાં ક્રેશ થતા કેટલાય સૈનિકોના મોત થયાના એહેવાલ પ્રાપ્ત થયા હતા.
આપને જણાવી દઇએ કે ક્રેશ થયેલ આ પ્લેનમાં સૈનિકોની સાથે જ સૈન્ય સાધન લઇને જઇ રહ્યાં હતા. આ વિમાન ઘટના ત્યાંના સ્થાનિક સમય પ્રમાણે સવારે 8 વાગ્યે ક્રેશ થયું. એરપોર્ટની તરફ આવતા તમામ રસ્તાઓ બંધ કરી દેવાયા છે જેથી કરીને ઇમરજન્સી સર્વિસીસમાં મુશ્કેલી પડે નહીં. જો કે અલ્જીરિયન આર્મી દ્વારા માધ્યમોને મળેલ જાણકારી પ્રમાણે આ વિમાન અકસ્માતમાં કોઇ પણ બચી શકયું નથી.