ચેતો / Paytm વાપરતી વખતે આ ભૂલ તો ક્યારેય ન કરતાં, નહીંતર એકાઉન્ટમાં એક પણ રૂપિયો નહીં બચે

• પેટીએમના ગ્રાહકો સાવધાન
• આવા મેસેજ આવે તો ચેતવું
• કોઈપણ જાણકારી આપવી નહીં

આવા મેસેજ આવે તો થઈ જાઓ સાવધાન

પેટીએમ અને અન્ય નાણાકીય સંસ્થાઓ વારંવાર ચેતી ચૂકી છે કે, શંકાસ્પદ ફોન કોલ્સ અથવા મેસેજિસથી સાવધાન રહેવું. પરંતુ મેસેજ મોકલનાર પર એટલા  હોશિયાર થઈ ગયા છે કે તેઓ તેમના બનાવટી મેસેજને રિયલ દેખાડવા કંઈપણ કરે છે. 

કઈ રીતે છેતરે છે હેકર્સ?

પેટીએમ કેવાયસી ફ્રોડના શિકાર થયેલાં એક શખ્સે પોલીસમાં ફરિયાદ કરી હતી કે, ગયા મહિને તેને એક અજાણ્યા નંબરથી મેસેજ આવ્યો હતો. મેસેજમાં લખ્યું હતું, જો કેવાયસી અપડેટ નથી કર્યું તો અકાઉન્ટ બ્લોક થઈ જશે. એ શખ્સે મેસેજમાં જણાવેલાં નંબરનો સંપર્ક કર્યો. પછી સામેવાળા વ્યક્તિએ પીડિત વ્યક્તિને મોબાઈલમાં ટીમ વ્યૂવર એપ ડાઉનલોડ કરાવી અને પેટીએમ એકાઉન્ટથી કોઈપણ નંબરને એક રૂપિયો મોકલવાનું કહ્યું. આ દરમિયાન હેકરે પીડિતના પેટીએમની આઈડી અને પાસવર્ડ જાણી લીધો. કોલ ડિસ્કનેક્ટ થતો ત્યાં સુધીમાં તો પીડિતના ખાતામાંથી 1.72 લાખ રૂપિયા ઉપાડી લેવામાં આવ્યા હતા. 

કંપનીનું શું કહેવું છે

કંપનીનું કહેવું છે કે, તેઓ કોઈપણ ગ્રાહકને આવા મેસેજ મોકલતા નથી. કંપનીએ ગ્રાહકને અપીલ કરી છે કે, તેઓ આવા મેસેજના ચક્કરમાં ફસાય નહીં. કસ્ટમર કેરમાં થયેલી વાતચીત મુજબ, કંપનીની એક સાયબર સિક્યોરિટી ટીમ પણ છે. જે આવી ફરિયાદોની તપાસ કરે છે. પેટીએમ કસ્ટમર કેરે તે નંબરની જાણકારી માંગી. જેના પર કેવાયસી માટે સંપર્ક કરવાનું કહેવાયું હતું. કંપનીનું કહેવું છે કે તેઓ આ અંગે તપાસ કરશે અને એક્શન લેશે.