ચેલેન્જ / જ્યારે તું જન્મ્યો પણ ન્હોતો ને, ત્યારથી ફિલ્મ ઇન્ડસ્ટ્રીમાં છું, અક્ષય કુમારની અભિનેતાને ઓપન ચેલેન્જ

• અક્ષય કુમારે ટાઇગર શ્રોફને આપી ચેલેન્જ
• ટ્વિટ કરીને કહ્યું છોટે મિયા મારી જોડે મુકાબલો કરીશુ તું ?
•  અક્ષય કુમારે શા માટે કર્યુ ટ્વિટ ? 

બોલિવુડ એક્ટર અક્ષય કુમાર પોતાના બેબાક અંદાજથી જાણીતો છે. તે ગોસિપમાં નહી પરંતુ સ્પષ્ટ બોલવામાં જ માને છે.  તે હંમેશા ચેલેન્જ સ્વીકારવા તૈયાર હોય છે ત્યારે ફરી એકવાર અક્ષયકુમાર એક ચેલેન્જ સ્વીકારવાની જાહેરાત કરી છે. તેણે બોલિવુડ સ્ટાર ટાઇગર શ્રોફને  ઓપન ચેલેન્જ આપી છે ત્યારે જાણીએ શું છે સમગ્ર મામલો.

અક્ષય કુમારનું આ ટ્વિટ ચર્ચાનો વિષય બન્યો

બોલિવૂડ એક્ટર અક્ષય કુમારનું એક ટ્વિટ ચર્ચાનો વિષય બની ગયું છે. તેણે ટાઈગર શ્રોફને ચેલેન્જ આપી છે. આ ટ્વીટમાં તેણે ટાઈગર માટે લખ્યું છે કે જે વર્ષે તારો જન્મ થયો, એ જ વર્ષે મેં ફિલ્મોમાં ડેબ્યુ કર્યું. તો પણ તું હજી મારી સાથે મુકાબલો કરીશ છોટે મિયાં?  ચાલો ત્યારે, થઇ જાય ફુલ ઓન એક્શન

The year you debuted in this world, I debuted in films. Phir bhi muqabla karoge Chote Miyan? Chal phir ho jaye full-on action! 😁 @iTIGERSHROFF #BadeMiyanChoteMiyan Christmas 2023. https://t.co/oP5pEVtBMu@vashubhagnani @aliabbaszafar @jackkybhagnani @honeybhagnani @poojafilms

— Akshay Kumar (@akshaykumar) February 8, 2022

24 વર્ષ પછી ફરીથી બડે મિયાં અને છોટે મિયાંની રચના થશે

અક્કીના આ ટ્વિટ પરથી એમ લાગે કે ખરેખરમાં કોઇ સિરયસ મેટર હશે પરંતુ ના એવુ કંઇજ નથી, હકીકતમાં એવુ છે કે બોલિવૂડ ખેલાડી અક્ષય કુમાર ટૂંક સમયમાં જ અન્ય એક્શન હીરો ટાઈગર શ્રોફ સાથે સ્ક્રીન શેર કરવા જઈ રહ્યો છે. બંને ફિલ્મ 'બડે મિયાં છોટે મિયાં'ની રિમેકમાં જોવા મળશે. આ ફિલ્મ 24 વર્ષ પહેલા 1998માં રિલીઝ થયેલી અમિતાભ બચ્ચન અને ગોવિંદા સ્ટારર ફિલ્મ બડે મિયાં છોટે મિયાંની રિમેક હશે. આ ફિલ્મ આવતા વર્ષે ક્રિસમસના અવસર પર રિલીઝ થશે. મેકર્સનો દાવો છે કે આ સૌથી મોટી એક્શન એન્ટરટેઈનમેન્ટ ફિલ્મ હશે. બસ તો આ ફિલ્મને લઇને અક્ષય કુમારે આવુ ટ્વિટ કર્યું.

Double Action, Double Dhamaka!! Ready Bade @akshaykumar toh khiladiyo ki tarah dikhaye heropanti ? So excited to present to you all , the Biggest action entertainer ever #BadeMiyanChoteMiyan https://t.co/x0QJM3Bh9P@akshaykumar @vashubhagnani @aliabbaszafar @jackkybhagnani

— Tiger Shroff (@iTIGERSHROFF) February 8, 2022

અક્ષય અને ટાઇગર પહેલીવાર સાથે જોવા મળશે

ટાઇગર શ્રોફ અને અક્ષય કુમાર પહેલી વાર એક સાથે સ્ક્રીન શેર કરતા જોવા મળશે. જો કે આ ફિલ્મ રિલીઝ 2023માં થશે. આ ફિલ્મનું નિર્દેશન અલી અબ્બાસ ઝફર કરશે. પૂજા એન્ટરટેઈનમેન્ટ પ્રોડક્શન હેઠળ નિર્મિત આ ફિલ્મનું નિર્માણ વાશુ ભગનાની, દીપશિખા દેશમુખ, વિકી ભગનાની, અલી અબ્બાસ ઝફર અને હિમાંશુ કિશન મેહરા કરશે. આ ફિલ્મ હિન્દી સિવાય તમિલ, તેલુગુ, મલયાલમ અને કન્નડ ભાષાઓમાં રિલીઝ થશે.