'તાનાજીઃ ધ અનસંગ વૉરિયર' આ વર્ષની પહેલી બ્લોકબસ્ટર ફિલ્મ બની શકે છે. પહેલાં દિવસે 15 કરોડના બોક્સ ઓફિસ કલેક્શન બાદ બીજા દિવસે અજય દેવગણની ફિલ્મે જોરદાર કમાણી કરી છે.
અજયની તાનાજી બોક્સ ઓફિસ પર કરી રહી છે કમાલ
બીજા દિવસે પણ કરી જોરદાર કમાણી
દીપિકાની છપાકને છોડી પાછળ
ટ્રેડ એક્સપર્ટનું માનવું છે કે, તાનાજીઃ ધ અનસંગ વૉરિયરે બીજા દિવસે શનિવારે 20 કરોડ રૂપિયાની કમાણી કરી છે. જ્યારે પહેલાં દિવસે ફિલ્મે 15.10 કરોડ રૂપિયાની કમાણી કરી હતી, એટલે કે શુક્રવાર અને શનિવારનું ફિલ્મનું કલેક્શન 35 કરોડ રૂપિયા પહોંચી ગયું છે.
અહીં ફિલ્મે કરી સૌથી વધુ કમાણી
ટ્રેડ એનાલિસ્ટ મુજબ, ફિલ્મને મુંબઈ, મધ્યપ્રદેશ, છત્તીશગઢ અને મહારાષ્ટ્ર જબરદસ્ત રિસ્પોન્સ મળ્યો છે. એક રિપોર્ટ પ્રમાણે ઈસ્ટ પંજાબ, દિલ્હી, ઉત્તરપ્રદેશ અને પશ્ચિમ બંગાળમાં ફિલ્મને એટલો સારો રિસપોન્સ મળ્યો નહીં. જ્યારે ગુજરાતમાં પણ ફિલ્મના સેકન્ડ ડે કલેક્શનમાં ભારે ઉછાળો જોવા મળ્યો છે.
સ્ક્રીન ડિસ્ટ્રિબ્યૂશનની વાત કરીએ તો તાનાજીને ભારતમાં કુલ 3880 સ્ક્રીન્સ મળી છે. જેમાંથી 2ડી અને 3ડી બંને ફોર્મેટ સામેલ છે. જ્યારે વિદેશમાં 660 સ્ક્રીન્સ મળી છે. એટલે કે તાનાજી કુલ 4540 સ્ક્રીન્સમાં રિલીઝ કરવામાં આવી છે.
જો તાનાજી આ જ રીતે કમાણી કરતી ગઈ તો તે વર્ષ 2020ની પહેલી બ્લોકબસ્ટર ફિલ્મ બની શકે છે. તમને જણાવી દઈએ કે, આ અજયની 100મી ફિલ્મ છે. આમાં તેણે મરાઠા સામ્રાજ્યના વીર યોદ્ધા તાનાજીનો રોલ પ્લે કર્યો છે. ફિલ્મમાં અજય સિવાય, કાજોલ, સૈફ અલી ખાન, શરદ કેલકર મુખ્ય રોલમાં છે.