બોલિવૂડ / અજય દેવગણની બમ્પર કમાણી: પહેલા જ સપ્તાહમાં Drishyam 2 એ તોડી નાંખ્યા રેકૉર્ડ, જુઓ ક્યાં પહોંચ્યો આંકડો

• અજય દેવગણની દ્રશ્યમ 2 ફિલ્મની બમ્પર કમાણી 
• એક સપ્તાહમાં જ 100 કરોડના ક્લબમાં સામેલ
• આ વર્ષના 100 કરોડના ક્લબમાં પહોંચનાર ૧૩મી ફિલ્મ

થોડા સમયથી બોલીવુડની માઠી બેઠી હતી ઘણી ફિલ્મો આવી પરંતુ લોકોએ વધુ પસંદ નહોતી કરી. હવે બોલિવૂડના સિંઘમ અજય દેવગણે બોક્સ ઓફિસ પર ધૂમ મચાવી દીધી છે. અજય દેવગણે સાબિત કરી દીધું કે તે 100 કરોડની ક્લબનો માસ્ટર છે. તેની તાજેતરની રિલીઝ થયેલી ફિલ્મ 'દ્રશ્યમ 2' એ માત્ર 7 દિવસમાં 100 કરોડનો આંકડો પાર કરી લીધો છે. દ્રશ્યમ 2 ની નોનસ્ટોપ કમાણીની ગતિ ધીમી પડી રહી હોય તેવું લાગતું નથી.

કલેક્શન 100 કરોડને પાર
અજય દેવગણની ફિલ્મે પહેલા અઠવાડિયામાં 100 કરોડ ક્લબમાં એન્ટ્રી કરી લીધી છે. અજયની ફિલ્મ રિલીઝના પહેલા દિવસથી જ જબરદસ્ત કમાણી કરી રહી છે. ફિલ્મે શુક્રવારે 15.38 કરોડ, શનિવારે 21.59 કરોડ, રવિવારે 27.17 કરોડ, સોમવારે 11.87 કરોડ, મંગળવારે 10.48 કરોડ, બુધવારે 9.55 કરોડની કમાણી કરી હતી. પ્રારંભિક વલણો અનુસાર, દૃષ્ટિમ 2 એ ગુરુવારે 8.70 કરોડની કમાણી કરી છે. ભારતમાં 7 દિવસમાં કુલ 104.74 કરોડનું કલેક્શન થયું છે. દ્રષ્ટિમ 2 આ વર્ષે (2022) સદી ફટકારનારી 5મી હિન્દી ફિલ્મ બની છે. આટલું જ નહીં, દૃષ્ટિમ 2 અજય દેવગણના કરિયરની 13મી ફિલ્મ બની છે જે 100 કરોડમાં સામેલ છે.

#Drishyam2 is in no mood to slow down on Day 6…
⭐️ Will swim past ₹ 💯 cr today [Day 7].
⭐️ Fifth [outright] #Hindi film to hit century in 2022.
Fri 15.38 cr, Sat 21.59 cr, Sun 27.17 cr, Mon 11.87 cr, Tue 10.48 cr, Wed 9.55 cr. Total: ₹ 96.04 cr. #India biz. pic.twitter.com/5rjTjFyPvo

— taran adarsh (@taran_adarsh) November 24, 2022

દ્રશ્યમ 2 એ રેકોર્ડ તોડ્યા
અજય દેવગણની ફિલ્મ આ વર્ષની સુપરહિટ ફિલ્મ ભૂલ ભુલૈયા 2 ને માત આપી ગઈ છે. કાર્તિક આર્યનની ફિલ્મે પહેલા અઠવાડિયામાં માત્ર 92.05 કરોડની કમાણી કરી હતી. જ્યારે દ્રશ્યમ 2 એ પહેલા અઠવાડિયામાં જ 100 કરોડની કમાણી કરી લીધી છે. શું દ્રશ્યમ 2 ભૂલ ભુલૈયા 2ના ટોટલ કલેક્શન (185.92 કરોડ)ને માત આપી શકશે, તેનો જવાબ આગામી દિવસોમાં જોવા મળશે.

આગામી ફીલ્મો સાથે થશે ટક્કર
'દ્રશ્યમ  2 એ 100 કરોડનો આંકડો સરળતાથી પાર કરી લીધો. પરંતુ ફિલ્મ માટે આગળનો રસ્તો સરળ નથી. કારણ કે વરુણ ધવન અને કૃતિ સેનનની ફિલ્મ ભેડિયા પણ 25 નવેમ્બરે સિનેમાઘરોમાં રિલીઝ થઈ છે. આવી સ્થિતિમાં બંને ફિલ્મો વચ્ચે ટક્કર થવાની સંભાવના છે. બંને ફિલ્મોમાં કોણ કોના ઉપર વિજય મેળવશે તે તો આવનારા દિવસોમાં ખબર પડશે. અભિષેક પાઠક દ્વારા નિર્દેશિત ફિલ્મ દ્રશ્યમ 2 ની જોરદાર કમાણી બોલિવૂડ માટે કોઈ વરદાનથી ઓછી નથી. આ ફિલ્મમાં અજય દેવગણની સાથે તબ્બુ, શ્રેયા સરન, અક્ષય ખન્ના, ઈશિતા દત્તા મહત્વની ભૂમિકામાં જોવા મળી હતી.