નેટવર્કની સમસ્યા / જીઓ બાદ હવે વધુ એક કંપનીનાં કોલ અને ઈન્ટરનેટ ઠપ્પ, દેશનાં આ મોટાં શહેરોમાં નેટવર્કના ધાંધીયા

• Airtelનું નેટવર્ક દિલ્હી સહિત દેશના ઘણા શહેરોમાં ડાઉન
• નેટવર્ક ઠપ થતાં યુઝર્સે સો.મીડિયામાં કરી ફરીયાદ
• એરટેલે કર્યુ ટ્વિટ, પહેલા પરેશાની હતી, હવે બધુ સામાન્ય

મોબાઈલ ઈન્ટરનેટ અને કોલિંગમાં યુઝર્સને મુશ્કેલી

સોશિયલ મીડિયામાં યુઝર્સનું કહેવુ છે કે તેમને મોબાઈલ ઈન્ટરનેટ અને કોલિંગમાં મુશ્કેલી આવી રહી છે. ઘણા યુઝર્સે બ્રોડબેન્ડની સાથે પણ આ સમસ્યાની ફરિયાદ કરી છે. યુઝર્સનો દાવો છે કે એરટેલ થેન્કસ એપ પર પણ કામ કરી રહ્યું નથી. DownDetector મુજબ, એરટેલનું નેટવર્ક દિલ્હી, મુંબઈ, બેંગ્લોર, હૈદ્રાબાદ, અમદાવાદ, જયપુર અને કોલકત્તા જેવા શહેરોમાં ડાઉન છે. 

અમારી ટીમો ગ્રાહકોને સારો અનુભવ અપાવવા માટે સતત કાર્યરત

એરટેલે ટ્વિટ કરીને કહ્યું છે કે તેને આઉટેજની જાણકારી મળી છે. કંપનીએ કહ્યું છે, અમારી ઈન્ટરનેટ સેવાઓમાં થોડા સમય માટે મુશ્કેલી આવી છે અને તેનાથી ગ્રાહકોને થયેલી પરેશાની માટે અમને દુ:ખ છે. હવે બધુ સામાન્ય થઇ ગયુ છે. કારણકે અમારી ટીમો અમારા ગ્રાહકોને એક સારો અનુભવ અપાવવા માટે સતત કામ કરી રહી છે. ગયા અઠવાડિયે જિયોનું નેટવર્ક પણ મુંબઈ સર્કલમાં ડાઉન થયુ હતુ. રિલાયન્સ જિયોની સર્વિસ ફરી એક વખત મુંબઈમાં ઠપ થઇ છે. મુંબઈ સર્કલના ઘણા વિસ્તારોના યુઝર્સ કોલ પણ કરી શકતા નથી અને ઈન્ટરનેટનો ઉપયોગ પણ કરી શકતા નથી. છેલ્લાં 4 મહિનામાં આ બીજી એવી તક હતી કે જ્યારે મુંબઈમાં જિયોની સેવાઓ ઠપ થઇ હતી. ઘણા યુઝર્સે જિયો ફાઈબરની સાથે પણ મુશ્કેલી થયાની ફરિયાદ કરી હતી. રિપોર્ટ મુજબ, જિયોએ મુંબઈ સર્કલમાં પોતાના નેટવર્કને બંધ કરી દીધુ હતુ. 

Our internet services had a brief disruption and we deeply regret the inconvenience this may have caused you. Everything is back as normal now, as our teams keep working to deliver a seamless experience to our customers.

— airtel India (@airtelindia) February 11, 2022