ટેલિકોમ / Airtel ગ્રાહકો માટે લાવ્યું બે નવા પ્લાન, 4 લાખના ઈન્શ્યોરન્સ સાથે મળશે આવા જોરદાર બેનિફિટ

• ગ્રાહકોને આકર્ષિત કરવા કંપનીઓ લાવે છે સ્કીમ
• એરટેલે બે નવા પ્રીપેડ પ્લાન કર્યા લોન્ચ
• 84 દિવસની વેલિડિટી સાથે મળશે ખાસ બેનિફિટ

એરટેલની 379 રૂપિયાના પ્લાનમાં મળશે આવા બેનિફિટ્સ

એરટેલના આ નવા પ્લાનમાં યુઝર્સને 84 દિવસની વેલિડિટી આપવામાં આવી રહી છે. આ પ્લાન કોઈપણ FUP લિમિટ વિના આવે છે અને કોઈપણ નેટવર્ક માટે ટ્રુ અનલિમિટેડ કોલિંની સુવિધા પણ મળે છે. આ પ્લાનમાં ટોટલ 900 એસએમએસ ફ્રી મળશે. પ્લાનને સબસ્ક્રાઈબ કરનાર યુઝરને કંપનીની અન્ય ફ્રી સુવિધાઓ પણ મળશે. જેમાં વિંક મ્યુઝિક, એરટેલ એક્સ્ટ્રીમ એપના ફ્રી સબ્સ્ક્રિપ્શન સાથે FASTagની ખરીદી પર 100 રૂપિયાનું કેશબેક પણ સામેલ છે. 

એરટેલની 279 રૂપિયાના પ્લાનમાં મળશે આવા બેનિફિટ્સ

279 રૂપિયાવાળો આ પ્લાન ટેરિફ હાઈક પછી લોન્ચ કરાયેલાં 249 રૂપિયાના પ્લાન જેવો છે. આમાં યુઝર્સને રોજ 1.5 જીબી ડેટા, રોજ 100 ફ્રી એસએમએસ અને અનલિમિટેડ ફ્રી કોલિંગની સુવિધા પણ મળી રહી છે. પ્લાનની વેલિડિટી 28 દિવસની છે. 279 રૂપિયાના આ પ્લાનની સૌથી ખાસ વાત એ છે કે, તેમાં એચડીએફસી લાઈફ ઈન્શ્યોરન્સ તરફ 4 લાખ રૂપિયાન ટર્મ લાઈફ ઈન્શ્યોરન્સ પણ મળે છે. 249 રૂપિયાના પ્લાનમાં યુઝરને આ સુવિધા મળતી નથી. આ પ્લાનમાં વિંક મ્યુઝિક, એરટેલ એક્સ્ટ્રીમ એપના ફ્રી સબ્સ્ક્રિપ્શન સાથે FASTagની ખરીદી પર 100 રૂપિયાનું કેશબેક પણ સામેલ છે. 

જૂના પ્રીપેડ પ્લાન પાછા આવી રહ્યાં છે

થોડા અઠવાડિયા પહેલાં એરટેલે 349 રૂપિયાનો પ્લાન રજૂ કર્યો હતો. આમાં યુઝર્સને દરરોજ 2 જીબી ડેટા આપવામાં આવી રહ્યો હતો. આમાં યુઝર્સને રોજ 2 જીબી ડેટા, રોજ 100 ફ્રી એસએમએસ અને અનલિમિટેડ ફ્રી કોલિંગની સુવિધા પણ મળી રહી છે. પ્લાનની વેલિડિટી 28 દિવસની છે. આ પ્લાન એરટેલના 299 રૂપિયાના પ્લાન જેવો છે. કંપની આમાં એમેઝોન પ્રાઈમ બેનેફિટ આપવાની સાથે તેની કિંમત વધારીને 349 રૂપિયા કરી હતી. આવું એરટેલે 279 રૂપિયાના પ્લાન સાથે કર્યું. કંપનીએ જૂના 249 રૂપિયાના પ્લાનને 30 રૂપિયા વધુ મોંઘુ કરી દીધું છે અને તેની સાથે 4 લાખ રૂપિયાનું લાઈફ ઈન્શ્યોરન્સ કવર સામેલ કરી દીધું છે. 

ટેરિફ હાઈક પહેલાં કંપનીએ 249 રૂપિયા અને 599 રૂપિયાવાળા પ્લાન્સની સાથે 4 લાખ રૂપિયાનું લાઈફ કવર ઓફર કરતી હતી. તેની સાથે જ કંપની પહેલાં માત્ર 299 રૂપિયાવાળા પ્રીપેડ પ્લાનમાં યુઝર્સને એમેઝોન પ્રાઈમ મેમ્બરશિપ આપતી હતી. જોકે, હવે તેમાં ફેરફાર થયો છે અને એરટેલ તેના અન્ય પ્લાન્સમાં જૂના બેનિફિટ્સ ઓફર કરીને વધુને વધુ ગ્રાહકોને આકર્ષિત કરવા માગે છે.