એર ઈન્ડિયાની ઘરવાપસીનો સમય આવી ગયો છે. દેવામાં ડૂબેલી એર ઈન્ડિયાને લગભગ બે દિવસ બાદ એટલેકે 27 જાન્યુઆરીએ ટાટા ગ્રુપને સોંપી દેવામાં આવશે. આ ડીલની બાકી વધેલી ઔપચારિકતાઓ આગામી થોડા દિવસમાં પૂર્ણ થઇ જશે.
એર ઈન્ડિયાની બોલી ટાટા ગ્રુપે ગયા વર્ષે 8 ઓક્ટોબરે જીતી હતી
ખરેખર, એર ઈન્ડિયાના કર્મચારીઓને એક મેલ કરતા કંપનીના ડાયરેક્ટર વિનોદ હેજમાદીએ કહ્યું છે કે આજે બેલેન્સ શીટ બંધ કરી દેવામાં આવશે. કારણકે ટાટા તેની સમીક્ષા કરી શકે. હવે જો કોઈ ફેરફાર થશે તો તેને બુધવારે 26 જાન્યુઆરીએ કરી શકાય છે. ઉલ્લેખનીય છે કે, એર ઈન્ડિયાની બોલી ટાટા ગ્રુપે ગયા વર્ષે 8 ઓક્ટોબરે જીતી લીધી હતી. ત્યારબાદ Talace Private Limitedને એર ઈન્ડિયા સોંપવાની તૈયારી ચાલી રહી હતી. આ ટાટા ગ્રુપની હોલ્ડિંગ કંપની છે. આ ડીલ 18,000 કરોડ રૂપિયામાં થઇ હતી. ત્યારબાદ 25 ઓક્ટોબર 21ના રોજ કેન્દ્રએ આ કરાર માટે શેર ખરીદ કરાર પર હસ્તાક્ષર કર્યા હતા.
ટાટા સન્સની પાસે હવે 3 એરલાઈન્સ
ટાટા ગ્રુપને Air India નો માલિકી હક મળ્યાં બાદ નવા માલિકને તેની સાથે જોડાયેલુ નામ અને વધુ લોકોને 5 વર્ષ સુધી સંભાળીને રાખવુ પડશે. Air India ની સાથે Tata Sonsને તેનો સબ્સિડીયરી Air India Express નો માલિકી હક મળશે. Air India Express સસ્તી હવાઈ સેવાઓ આપે છે. તો એર ઈન્ડિયાની ગ્રાઉન્ડ હેન્ડલિંગ કંપની AI-SATS માં સરકારની સંપૂર્ણ જવાબદારી ટાટા સન્સને ટ્રાન્સફર કરશે. એર ઈન્ડિયાની માલિક બન્યા બાદ હવે ટાટા સન્સની પાસે 3 એરલાઈન્સ થઇ ગઇ. આ સમૂહની પાસે પહેલાથી જ Vistara અને AirAisa માં ભાગીદારી છે. જેની સાથે ટાટા સન્સની એવિએશન સેક્ટરની સૌથી મોટી કંપની બની ગઇ છે.