સરાહનીય / ટાટા ગ્રુપની એરલાઇન્સે માત્ર 6 લોકો માટે ઉડાવ્યું સ્પેશ્યલ પ્લેન, કારણ જાણીને તમે પણ કહેશો આને કે'વાય સર્વિસ

• ટિકિટિંગ સિસ્ટમમાં ખામીને કારણે એર ઇન્ડિયાએ આપવું પડ્યું સ્પેશિયલ વિમાન 
• રવિવારે દિલ્હીથી ભોપાલ માટે ઉડી સ્પેશિયલ ફ્લાઈટ 
• એર ઇન્ડિયા હવે ટાટા ગ્રુપની છે, જે પહેલા સરકારી કંપની હતી 

એર ઇન્ડિયાનાં ટિકિટિંગ સિસ્ટમમાં ટેકનીકી સમસ્યાઓને કારણે યાત્રીઓએ એ ફ્લાઈટની ટીકીટો ખરીદી લીધી, જે છે જ નહી. કંપનીને જાણ થતા જ ભૂલ સુધરી ગઈ અને ટિકિટ બૂક કરી ચુકેલા યાત્રીઓ દિલ્લી અને ભોપાલ એરપોર્ટ પહોંચવા લાગ્યા, તો ત્યાં એર ઇન્ડિયાનાં અધિકારી હેરાન રહી ગયા. 

જ્યારે AI 481નાં યાત્રીઓ પહોંચ્યા એરપોર્ટ 
એઆઈ 481 ફ્લાઈટ દિલ્હીથી ભોપાલ અને પછી પુના જાય છે. જોકે રવિવારે આ ફ્લાઈટ હતી નહી અને છતાં પણ વેબસાઈટ પર તેની ઉપલબ્ધતા બતાવવામાં આવી હતી. યાત્રીઓએ ટિકિટ પણ બુક કરાવી લીધી હતી અને રવિવારે તેઓ દિલ્હી અને ભોપાલ એરપોર્ટ પહોંચવા લાગ્યા. ત્યારે વેબસાઇટની આ સમસ્યાની જાણ થઇ. 

યાત્રીઓએ બુક કરાવી લીધી હતી રિટર્ન ટિકિટ 
દિલ્હી એરપોર્ટ પર છ યાત્રીઓ માટે એક પ્લેનની વ્યવસ્થા કરવામાં આવી હતી જેણે દિલ્હીથી બપોરે ઉડાન ભરી. એ જાણ ન થઇ શકી કે માત્ર છ યાત્રીઓ માટે અલગ વિમાન કેમ મોકલવામાં આવ્યું. શું માત્ર છ યાત્રીઓએ જ ટિકિટ લીધી હતી કે બીજા યાત્રીઓને બીજા પ્લેનમાં એડજસ્ટ કરવામાં આવ્યા હતા. 49 યાત્રીઓએ ભોપાલથી પુનાની યાત્રા કરી હતી. તેઓ બધા એક વિવાહમાં સામેલ થવા જઈ રહ્યા હતા. જોકે પહોંચવામાં તેમને .45 કલાક લાગ્યા હતા. યાત્રીઓએ રિટર્ન ટિકિટ પણ બૂક કરાવી હતી, એટલા માટે પુનાથી ભોપાલ માટે 18 અને ભોપાલથી દિલ્હી માટે 44 યાત્રીઓ માટે ફ્લાઈટની વ્યવસ્થા કરવી પડી હતી.