AIIMS દિલ્હીમાં સ્વદેશી વેક્સીન COVAXINનું હ્યુમન ટ્રાયલ આજથી એટલે કે 20 જુલાઈથી શરૂ થશે. શનિવારે દિલ્હી AIIMSની એથિક્સ કમિટીએ કોરોના વેક્સીન COVAXINના હ્યુમન ફેઝ -1ના ટ્રાયલને મંજૂરી આપી હતી.
સ્વદેશી વેક્સીન COVAXINનું આજથી થશે હ્યુમન ટ્રાયલ શરૂ
એઈમ્સની એથિક્સ કમિટીએ આપી હતી મંજૂરી
10 કલાકમાં 1000 લોકોએ આ રીતે કરાવ્યું રજિસ્ટ્રેશન
ઉલ્લેખનીય છે કે હ્યુમન ટ્રાયલ માટે 10 કલાકમાં 1000થી વધુ લોકોએ રજિસ્ટ્રેશન કરાવ્યું છે. અત્યારે દિલ્હી - એમસીઆરમાં રહેનારાને ફક્ત એનરોલમેન્ટની મંજૂરી મળી છે. વેક્સીનને લઈને અન્ય 12 સેન્ટર્સ પહેલાંથી પરીક્ષણ પર કામ કરી રહ્યા છે. કેમકે તેઓને પહેલાંથી મંજૂરી મળી હતી.
આ રીતે કરાવી શકાશે નામ રજિસ્ટર્ડ
એઈમ્સના પ્રોફેસર ડોક્ટર સંજય રાયના આધારે 07428847499 નંબર પર કોલ કરીને વેક્સીન ટ્રાયલ માટે નામ રજિસ્ટર્ડ કરાવી શકાય છે. ટ્રાયલ માટે નામ રજિસ્ટર્ડ કરાવવા માટે [email protected] પર મેલ પણ કરી શકાય છે.
મળતી માહિતી અનુસાર ફક્ત 18 વર્ષથી વધુ ઉંમરના અને 55 વર્ષથી નાની ઉંમરના લોકો જ ટ્રાયલમાં સામેલ થઈ શકે છે. જેની પર કોરોના વેક્સીનનું ટ્રાયલ થશે તેનો કોરોના ટેસ્ટ કરાશે. લોહી, લીવર, બીપી અને કિડની સહિત તમામ ટેસ્ટમાં સ્વસ્થ મળનારાને જ વેક્સીનનો ડોઝ અપાશે.