ક્રાઈમ / અમદાવાદ SOGએ ભૂમાફિયા નિરજ ઝવેરીને દિલ્લીમાંથી ઝડપ્યો, 7 ગુનામાં વોન્ટેડ, કરોડોની પચાવી હતી જમીન

• 7 ગુનામાં ફરાર ભૂમાફિયા ઝડપાયો
• દિલ્લીમાંથી નિરજ ઝવેરીની ધરપકડ
• કરોડોની જમીન પચાવવાના કેસમાં ધરપકડ

અમદાવાદ ગ્રામ્ય SOGએ 7 ગુનામાં સંડોવાયેલા ભૂમાફિયાની ધરપકડ કરી છે, દિલ્લીમાંથી નિરજ ઝવેરીને SOGએ દબોચી લીધો છે, જે આરોપી 7 ગુનામાં વોન્ટેડ હતો. તમને જણાવી દઈએ કે, અંગુઠાના ખોટા લેબ રિપોર્ટ બનાવી કરોડોની જમીન પચાવી હતી. 

પોલીસ અધિકારીનું નિવેદન 
પોલીસ અધિકારીએ જણાવ્યું કે, નિરજ ઝવેરી નામના એક ચિટરને પકડેલો છે તેમણે કહ્યું કે, જેના ઉપર આ જિલ્લાના સાત ગુના દાખલ થયેલા છે તેમજ આ ડિટેઈલ્સમાં પ્લાન કરતો હતો. તેમજ તેના સાગિરત ઘનશ્યામ સોલંકી જેને અગાઉ એરેસ્ટ કર્યો હતો, આ લોકો જમીન માલિકની ખોટી સહી કરી અથવા ડોક્યુમેન્ટ પરથી સહી સ્કેન કરી ખોટો દસ્તાવેજ ઉભો કરતા હતાં

'આરોપી સિવિલ કેસ પણ કરી દેતા હતાં'
પોલીસ અધિકારી જણાવ્યું કે, ખોટા દસ્તાવેજ બનાવી મૂળ માલિક પર સિવિલ કેસ પણ કરી દેતા હતાં એટલે સિવિલ કેસના કારણે જ્યારે જમીન માલિકના ઘરે નોટિસ આવે ત્યારે ખબર પડે કે ખોટા દસ્તાવેજના કારણે છેતરપિંડી થઈ છે અને આ આરોપી પ્રોપટીના માલિક જોડેથી પૈસા પણ પડાવતા હતાં. આ આરોપીઓ પર સાત કેસ દાખલ કરવામાં આવ્યા છે. આરોપી નિરજ ઝવેરી વ્યવસાયે બિલ્ડર છે પરંતુ ફટાફટ બિલ્ડર થઈ જવા માટે આ કિમિયો અપનાવ્યો હતો