જળભરાવ / વરસાદે ભારે કરી! અમદાવાદમાં 24 કલાક બાદ પણ નથી ઓસર્યા પાણી, પ્રિ-મોન્સુન કામની ખૂલી પોલ

• અમદાવાદને ડૂબાડનાર કોણ?
• 24 કલાક વિત્યા પણ પાણી ઓસર્યા નથી
• મુખ્ય રસ્તા અને સોસાયટીમાં હજુ પાણી ભરાયા

અમદાવાદ શહેરમાં ગઈકાલે પડેલા ભારે વરસાદ બાદ અનેક વિસ્તારમાં પાણી ભરાયા હતા.. ગુજરાત યુનિવર્સિટી પરિસરમાં પાણી ભરાયા હતા. સમરસ ગર્લ્સ હોસ્ટેલ અને ડાયમંડ હોસ્ટેલના રોડ પર 2 ફૂટ સુધીના પાણી ભરાતા વિદ્યાર્થીઓ હોસ્ટેલમાં જ પુરાઈ રહેવા મજબુર બન્યા હતા. નવા રોડ અને ડ્રેનેજ લાઈન તૈયાર કરાઈ હોવા છતાં પાણી ભરાતા લોકોમાં રોષ જોવા મળ્યો હતો.. તો રેડિયો મિર્ચી રોડ ઉપર હજુ સુધી પાણી નથી ઓસર્યા. મુખ્ય રસ્તા ઉપર અને સોસાયટીમાં પાણી ભરાતા લોકોને ભારે મુશ્કેલી ભોગવવાનો વારો આવ્યો છે. તો શહેરના ધરણીધરના બેઝમેન્ટમાં પાણી ભરાતા 10થી વધુ વાહનો ફસાયા છે.તંત્ર મદદે ન આવ્યો હોવાનો સ્થાનિકો આરોપ લગાવ્યો હતો.. દુકાનદારોનો સામાન પલળી જતા લાખો રૂપિયાનું નુકસાન થયાનું અનુમાન છે.તો વાસણામાં દેવાસ એપાર્ટમેન્ટમાં પાણી ભરાતા અનેક ઘરમાં પાણી ઘુસતા પૂર જેવી સ્થિતિ ઉભી થઈ હતી. સોસાયટીમાં પાર્ક કરેલી કાર પણ પાણીમાં ડૂબવા લાગી હતી.

અમદાવાદ શહેરમાં ગઈકાલે રાત્રિ દરમિયાન ખાબકેલા ભારે વરસાદે સ્માર્ટ સિટીની પોલ ખોલી નાખી છે. દર વર્ષની જેમ આ વર્ષે પણ પ્રિમોન્સૂન પ્લાન ફેલ ગયો છે. ભારે વરસાદથી શહેરમાં અનેક વિસ્તારમાં ઠેર ઠેર પાણી ભરાયા હતા જે હજુ સુધી નથી ઓસર્યા. વાસણાના ગુપ્તાનગરમાં પાણી ના ઓસરતા અનેક વાહનો બંધ થઈ રહ્યા છે જેને લઈ લોકો પરેશાન થઈ રહ્યા છે.. આ અંગે સ્થાનિકોએ જણાવ્યું હતું કે અમારા વિસ્તારમાં હજુ સુધી કોઈ કોર્પોરેટર કે કોર્પોરેશનના અધિકારીઓ ફરક્યા નથી તેવો સ્થાનિકોએ આક્ષેપ કર્યો હતો

અમદાવાદ શહેરમાં ભારે વરસાદ બાદ સતત મુશ્કેલી વધી રહી છે.દ્રશ્યોમાં જોઈ શકાય છે કે પરિમલ ગાર્ડન પાસે કાર ખાડામાં ગરકાવ થઈ હતી.અમદાવાદ શહેરમાં રાત્રી દરમિયાન 8 ઈંચ જેટલો વરસાદ પડયો છે. અમદાવાદ મનપાની પ્રિ-મોન્સૂન કામગીરીની પોલ ખોલી છે. અમદાવાદમાં આવેલા વરસાદને કારણે ઠેર-ઠેર પાણી ભરાયા છે. સાથે ટ્રાફિકજામના દ્રશ્યો પણ સામે આવ્યા છે, ત્યારે અમદાવાદના વૈષ્ણોદેવી અંડરપાસમાં બસ ફસાઈ હતી. ખાનગી કંપનીના કર્મચારીઓને લઇને જતી બસ અંડરપાસમાં ફસાઈ હતી. જેને કારણે રસ્તો બંધ કરવામાં આવ્યો હતો. તો બીજી તરફ શાહીબાગમાં મોટો ભૂવો પડયાના દ્રશ્યો સામે આવ્યા છે.હાલ સમગ્ર અમદાવાદ શહેરમાં લોકો મુશ્કેલીનો સામનો કરી રહ્યા છે.

ગઈકાલે રાત્રે વરસેલા વરસાદને કારણે અનેક વિસ્તારોમાં હજુ પણ પાણી ઓસર્યા નથી. ભારે વરસાદને કારણે અમદાવાદના પૂર્વનો સરસપુર વિસ્તાર પાણીમાં ગરકાવ થયો છે. સરસપુરમાં લોકોના ઘરમાં પાણી ઘૂસ્યા છે. જેથી તંત્રની પ્રિ-મોન્સૂન કામગીરકી અંગે સવાલ ઉઠ્યા છે. સરસપુર સાથે હાટકેશ્વર વિસ્તારમાં પણ જળબંબાકારની સ્થિતિ સર્જાઈ છે. અહીંના ઘર અને રસ્તામાં પાણી ભરાયા છે. જેને કારણે સામાન્ય લોકો અને વાહનચાલકોને હાલાકી સહન કરવાનો વારો આવ્યો છે. સાથે ખોખરા હાઉસિંગ બોર્ડ બેટમાં ફેરવાયું છે. હાઉસિંગ બોર્ડની સોસાયટી અને ઘરોમાં પાણી ઘૂસ્યુ છે. જેને કારણે લોકોને મુશ્કેલીનો સામનો કરવો પડે છે.

અમદાવાદના હેલ્મેટ સર્કલ, આયોજનનગર,સિંધુભવન રોડ અને બોપલ પાણીમાં ગરકાવ થઇ ગયા છે. ભારે વરસાદથી અમદાવાદમાં અફરાતફરીનો માહોલ સર્જાયો છે.ઠેર-ઠેર અવ્યવસ્થા સર્જાઇ છે.હેલ્મેટ સર્કલ પર AMTSની બસ ફસાઇ હતી તો જીવરાજપાર્ક વિસ્તારની આયોજનનગર સોસાયટીમાં તો પાણી ફરી વળ્યા હતા.અમદાવાદનો પોશ વિસ્તાર એવો સિંધુભવન રોડ પણ પાણીમાં ગરક થઇ ગયો હતો.બોપલ અને ઘુમાને જોડતા માર્ગ પર પણ પાણી-પાણી જ જોવા મળી રહ્યું છે.ભારે વરસાદથી અમદાવાદમાં જ્યાં જોવો ત્યાં માત્રને માત્ર પાણી જ જોવા મળી રહ્યું છે.ઠેર-ઠેર ગાડીઓ ફસાયેલી જોવા મળી રહી છે.ઠેર-ઠેર ઝાડ પડવાની અને રોડ પર ભુવા પડવાની ઘટના બની રહી છે.આમ ફરી એકવાર વરસાદ આગળ AMCનો પ્રિ-મોનસૂન પ્લાન એકદમ ફલોપ જોવા મળ્યો હતો

અમદાવાદના વેજલપુરમાં પાણી ભરાયા છે. વેજલપુરની સોસાયટીઓમાં પાણી ઘૂસી ગયા છે. સાથે અમદાવાદનો પોશ વિસ્તાર પણ બેટમાં ફેરવાયો છે. જજીસ બંગલો અને આસપાસના વિસ્તારમાં પાણી ભરાયા છે. શિવરંજની પણ પાણીમાં ગરકાવ થયું છે. શિવરંજનીમાં પાણી ભરાવવાને કારણે ટ્રાફિકજામ થયો છે. સાથે  વેજલરપુરના અનેક મકાનો અને ઘરમાં પાણી ઘૂસ્યા છે. તથા આંબાલાડી વિસ્તાર પણ બેટમાં ફેરવાયો છે. આંબાવાડી વિસ્તારમાં ઘૂંટણ સમા પાણી ભરાયા છે.

અમદાવાદ કોને વાંકે ડૂબ્યું?

• પાણી નિકાલ પર ભ્રષ્ટાચારના ડાટા, પાણી જાય ક્યાં?
• થોડા વરસાદમાં અમદાવાદ 'દરિયો' કેમ બને છે?
• અમદાવાદમાં પાણી જ પાણી!
• વિકસિત વિસ્તારોમાં પણ 'નદીઓ' કેમ વહે છે?
• હજારો વાહનો હજુ પણ રસ્તાઓ પર બંધ છે
• વરસાદને 24 કલાક છતાં પાણી ઓસર્યા નથી
• અમદાવાદીઓને જળભરાવથી રાહત ક્યારે?
• આયોજનવગર બાંધકામની પરવાનગીઓનું પરિણામ છે?
• આજે સરસપુર અને સેટેલાઈટ સરખા થઈ ગ્યા
• નિકોલ અને નારણપુરામાં કોઈ ભેદ ના રહ્યો
• વેજલપુર અને વટવામાં સરખી 'નદીઓ' વહી
• અખબારનગર અને અમરાઈવાડી ભેદ નહી કરી શકો
• આજે નવા-જૂના અમદાવાદના ભેદ જ મટી ગ્યા!
• અમદાવાદમાં શું ન પલળ્યું એ સવાલ સૌથી મોટો
• વરસાદને 24 કલાક પણ અમદાવાદ ભીનુ છે!