ફેસબુક પર યુ એન મહેતા હોસ્પિટલ બાબતે ખોટી હકિકત વાળી પોસ્ટ મૂકી હોસ્પિટલની બદનામી થાય તેવું કૃત્ય કરનાર ડૉક્ટરની સાયબર ક્રાઇમે ધરપકડ કરી છે
અમદાવાદ યુ.એન.મહેતા હોસ્પિટલના RMOની ધરપકડ
RMOએ ડૉ.સતીષ નામનું ફેક એકાઉન્ટ બનાવ્યું હતું:DCP
IP એડ્રેસ અને પુરાવાના આધારે ધરપકડ:DCP
જાન્યુઆરી 2022 દરમિયાન કોઇ વ્યક્તિએ ફેસબુક ઉપર ડોક્ટર સતીશ પટેલ નામનું ફેક આઈડી બનાવી બાદમાં તે આઈડી ઉપરથી યુ એન મેહતા ઇન્સ્ટિટયુટ ઓફ કાર્ડીઓલોજી એન્ડ રિસર્ચ સેન્ટર ના પ્રતિષ્ઠિત ડોકટર બાબતે ખોટી અફવા ફેલાવવામાં આવી રહી હતી. તેમ જ તેમની સંસ્થા માં થતી તમામ ઇવેન્ટમાં થયેલા બનાવને ટ્વીસ્ટ કરતી ખોટી પોસ્ટ મૂકવામાં આવતી હતી.
અમદાવાદ યુ.એન.મહેતા હોસ્પિટલના RMOની ધરપકડ
આ પોસ્ટની લિંક ટાર્ગેટ કરેલા ચોક્કસ લોકોને વોટ્સએપ દ્વારા પણ મોકલવામાં આવી હતી.સંસ્થાની સમાજમાં બદનામી થાય અને સંસ્થાની છબી સમાજમાં ખરડાય એવું ગુનાહિત કૃત્ય કરનાર વિરોધમાં સાઇબર ક્રાઇમ ખાતે ફરિયાદ નોંધાવવામાં આવી હતી.જે બાબતની પોલીસે તપાસ કરતા ફેસબુક એકાઉન્ટની માહિતી પોલીસે એકઠી કરી અને જુદા જુદા મોબાઈલ નંબર ની માહિતી મંગાવી ટેકનિકલ અભ્યાસ કરતાં સામે આવ્યું કે બે વોઈસ ચેન્જ કરતી એપ્લિકેશનનો ઉપયોગ કરી આ પોસ્ટ કરવામાં આવી હતી.બાદમાં પોલીસે તપાસ કરતા ક્લિનિક કાર્ડિયોલોજિસ્ટ ડિપાર્ટમેન્ટમાં ફરજ બજાવતા અને યુએન મહેતા માં આર એમ ઓ તરીકે ફરજ બજાવતા કૌશિક રમણલાલ બારોટએ આ ગુનો આચર્યો હોવાનું સામે આવ્યું હતું.
ફેક આઈડી બનાવી કરી કરતૂત
ડોક્ટર કૌશિક બારોટ યૂ એન મેતા હોસ્પિટલ માં વર્ષ 2004થી ફરજ બજાવે છે હોસ્પિટલ તરફથી તેમને છેલ્લા ઘણા સમયથી ખોટી રીતે હેરાનગતિ કરાતી હોવાનું લાગતા તેઓએ આ ગુનો આચર્યા હોવાની કબુલાત કરી હોવાનું સામે આવ્યું છે. આરોપીએ ઘણા માસથી આ મેસેજો કર્યા હતા. સારવાર ન લેવી જોઈએ, હોસ્પિટલ સારી નથી જેવી બાબતો પોસ્ટ કરતો હતો. પોલીસ તપાસમાં આરોપી પાસેથી કોઈના નામે લીધેલા બે સીમકાર્ડ મળી આવ્યા છે.આરોપી પોતે આ ગુનો આચરવા અલગ ફોન રાખતો હતો. નંબર ડિસ્પ્લે ન થાય એ રીતે લોકોને ફોન કરતો અને અવાજ ન ઓળખાય તે માટે પણ વોઇસ ચેન્જીગ એપ રાખતો હતો. આરોપીએ યુનિયન બનાવવા માટે ગુગલ ફોર્મ પણ પણ બનાવ્યુ હતું.ઘણા સમયથી આ ટેક્નિકલ બાબતો શીખવા તે થનગનતો હતો.અને તેમાં ખૂબ રસ દાખવતો હતો.
આમ તો સાયબર ક્રાઇમે અનેક મહિનાઓ બાદ ગુનાનો ભેદ ઉકેલ્યો. પણ આરોપીના સમર્થનમાં આવેલા અને સાયબર ક્રાઇમની ઓફિસે ભેગા થયેલા લોકોએ પણ હોસ્પિટલના તંત્ર પર આક્ષેપ કરી તેઓને હેરાન કરી ટાર્ગેટ કરાતા હોવાનો પણ આરોપ લગાવવામાં આવ્યો છે..