કોરોના કાળમાં અમદાવાદમાં રૂવાંડા ઉભા કરી દે તેવી ઘટના પ્રકાશમાં આવી છે. 3 દિવસ પહેલા અમદાવાદના ગોતા હાઉસિંગમાંથી 7 વર્ષની બાળકી ગુમ થઇ હતી તેને મૃતદેહ આજે મોડી રાતે પોલીસને હાથે લાગ્યો છે.
સોલા પોલીસ અને ક્રાઇમબ્રાંચની ટીમ ઘટના સ્થળે પહોંચી
પ્રાપ્ત થતી જાણકારી પ્રમાણે, 3 દિવસ પહેલા શહેરના ગોતા વિસ્તારમાં આવેલ હાઉસિંગમાંથી ઘરની બહાર રમતા-રમતા ગુમ થયેલી બાળકીનો મૃતદેહ ઓગણજ ટોલનાકા પાસેથી હત્યા કરેલી હાલતમાં મળી આવતા ચકચાર મચી જવા પામી છે.
પોલીસે હાથ ધરી તપાસ
પોલીસને આ બનાવ અંગેની જાણ થતાં જ તાત્કાલિક અસરથી ઘટના સ્થળે પહોંચી હતી અને તપાસ હાથ ધરી હતી. જો કે, આ હત્યા અંગે પ્રાથમિક માહિતી પ્રમાણે દીકરીની માતાને અન્ય વ્યક્તિ સાથે પ્રેમ સંબંધ હતો અને તેના કારણ કદાચ તેની ઘાતકી હત્યા કરાઇ હોવાનું સામે આવ્યું છે.
પડોશી શખ્સની ક્રાઇમ બ્રાન્ચે કરી અટકાયત
અમદાવાદના ગોતામાંથી બાળકી ગુમ થયેલી બાળકીના મળી આવેલા મૃતદેહને લઇને ક્રાઈમ બ્રાંચે પડોશી ભીખા નામના શખ્સની અટકાયત કરી છે. આ વ્યક્તિની CCTV ફૂટેજના આધારે અટકાયત કરવામાં આવી છે.
VTV દ્વારા શોધખોળનું હાથ ધરાયું હતું અભિયાન
નાનકડી 7 વર્ષની બાળકી જે ઘરના આંગણામાં રમતા-રમતા ગુમ થઈ ગઈ છે અને ત્રણ દિવસથી તેનો કોઈ પત્તો લાગ્યો નહોતો. પોલીસ પણ તેને શોધવા માટે એડિચોટીનું જોર લગાવ્યું પરંતુ ખુશીનો કોઈ પત્તો નથી લાગતો. ત્યારે ક્યાં હશે ખુશી...કેવી રીતે થઈ ગુમ... શું કોઈ ખુશીને ગુમ કરી છે...આ સવાલો વચ્ચે વીટીવીએ પણ ખુશીને શોધવા અભિયાન શરૂ કર્યું હતું પરંતુ અંતે ખુશીનો મૃતદેહ મળી આવતા આખું અમદાવાદ હચમચી ગયું હતું.