અમદાવાદ: વીઝાના નામે 15 લાખની છેતરપિંડી દંપતી સામે નોંધાઈ ફરિયાદ

અમદાવાદના વસ્ત્રાપુરમાં એક વૃધ્ધે પુત્રવધુને અમેરીકા મોકલવા માટે પુંચ દંપતીને 15 લાખ રૂપિયા આપ્યા હતા પરંતુ આ દપંતી 15 લાખની રકમ લઈને ફરાર થઈ ગયા હતા. રાણીપમાં આવેલી સ્વતંત્ર પાશ્વનાથ સોસાયટીમાં રહેતા રાહુલ પટેલ અને તેમની પત્ની કોમલ બે વર્ષ પહેલા વિદેશમાં ફરવા માટે ગયા હતા. જ્યા તેમનો સંપર્ક રીકીન પુંચ સાથે થયો હતો. 

રાહુલ અને રીકીન વચ્ચે દોસ્તી થઇ ગઇ હતી. રીકીન વસ્ત્રાપુરમાં આવેલા સુરેલ એપાર્ટમેન્ટમાં રહે છે અને જજીસ બંગલામાં આવેલા પ્લેટીનીયમ પ્લાઝામાં ઇલાબેલ ટુર્સ એન્ટ ટ્રાવેલ્સ નામની ઓફિસ ચલાવે છે. વિદેશના વિઝા માટે રૂ 15 લાખ આપ્યા બાદ પણ વિઝા નહી થતા રાહુલે પુંચ દપંતિ પાસેથી રુપિયા પરત માંગ્યા હતા. 

ત્યારે આ દંપતિએ રાહુલને 15 લાખ રુપિયાનો ચેક આપ્યો હતો જે બાઉન્સ થતા તેમને વસ્ત્રાપુર પોલીસ સ્ટેશનમાં અરજી કરી હતી. ઘણા સમય પહેલા થયેલી અરજીના પગલે પોલીસે ધ્રૃતિ અને રીકીન વિરુધ્ધમાં ગુનો દાખલ કર્યો છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...