અગસ્તા વેસ્ટલેન્ડઃ ઇડીને મળી મહત્વની સફળતા, વધુ એક વચેટિયાની કરી ધરપકડ...

અગસ્તા વેસ્ટલેન્ડ મામલે ઇડીને મહત્વની સફળતા મળી છે. એજન્સીએ વધુ એક કથિત વચેટિયા સુશેન મોહન ગુપ્તાની ગઇકાલે રાત્રે ધરપકડ કરી છે. સુશેન મોહન ગુપ્તાને આજરોજ પટિયાલા હાઉસ કોર્ટમાં રજૂ કરવામાં આવશે. એક મળતા અહેવાલ મુજબ સુશેન ગુપ્તાની તપાસ એજન્સીઓ ઘણીવાર પુછપરછ કરી છે. જો કે તપાસ એજન્સીઓને સહયોગ ન આપવાના કારણોસર તેની ધરપકડ કરવામાં આવી છે. 



ઉલ્લેખનીય છે કે આ અગાઉ સોમવારે વીવીઆઇપી ચોપર ડીલ મામલે આરોપી બનાવામાં આવેલ દુબઇના વેપારી રાજીવ સકસેના હવે સરકારી સાક્ષી બની ગયા છે. સીબીઆઇની સ્પેશિયલ કોર્ટે તેને સરકારી સાક્ષી બનાવવાની મંજૂરી આપી દીધી છે. 




ઉલ્લેખનીય છે કે વચેટિયા ક્રિશ્ચિયન મિશલની ઘણા સમય પહેલા ઇડી ધરપકડ કરી છે. ક્રિશ્ચિયન મિશલને સાઉદી અરબથી ભારત પ્રત્યાર્પણ હેઠળ લાવવામાં આવ્યો. જે હાલમાં દિલ્લીની તિહાડ જેલમાં બંધ છે.