સુરતમાં ક્રિપ્ટો બાદ ગેઇન બીટકોઈનમાં લોકોના નાણા ડૂબ્યા

સુરતમાં ક્રિપ્ટો બીટકોઈન બાદ હવે ગેઈન બીટકોઈનંમાં લોકોના નાણા ડૂબ્યા છે. ગેઈન બીટકોઈનમાં 1 હજારથી વધુ લોકોના નાણા ડૂબ્યા છે. આ મામલે કતારગામ પોલીસ સ્ટેશનમાં ગુનો નોંધાયો હતો. પોલીસે ફરિયાદના આધારે 3 એજન્ટોની ધરપકડ કરી છે.

મહત્વનુ છે કે આ એજન્ટો દ્વારા 18 મહિનામાં ગેઈન બીટકોઈનના પૈસા ડબલ કરવાની સ્કીમ આપવામાં આવી બતી. એક ગેઈન બીટકોઈનની કિંમત 78 હજાર રૂપિયા હતી.

ગેઈન બીટકોઈનની ખરીદી માટે ZEB PAY નામની એપલિકેશનનો ઉપયોગ કરવામાં આવતો હતો. રોકાણકારોના રૂપિયા જમા નહી કરાવનાર 3 એજન્ટોની પોલીસે ધરપકડ કરીને આગળની કાર્યવાહી હાથ ધરી છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...