બોલિવુડ / બ્રેકઅપ બાદ સુષ્મિતાએ દત્તક લીધું ત્રીજું બાળક, વીડિયો સામે આવતા ફેન્સ કરી રહ્યા છે વખાણ

• સુષ્મિતા સેને બાળક દત્તક લીધુ હોવાની ચર્ચા
• સોશિયલ મીડિયામાં વીડિયો થયો વાયરલ
• ફેન્સ કરી રહ્યા છે સુષ્મિતાના વખાણ

સુષ્મિતા સેન ફરી એકવાર બની માતા. જી હા બોયફ્રેન્ડ રોહમનશૉલ સાથે બ્રેકઅપ થયા બાદ સુષ્મિતાએ ત્રીજુ બાળક દત્તક લીધુ છે તેવી ચર્ચાએ જોર પકડ્યુ છે.સુષ્મિતા સેનની કેટલીક તસવીરો અને વીડિયો સોશિયલ મીડિયા પર ધૂમ મચાવી રહ્યા છે. જેમાં તે તેના ત્રીજા બાળક સાથે જોવા મળી રહી છે. એક્ટ્રેસના આ કાર્ય બદલ ફરીએકવાર સુશે ફેન્સને ખુશ કરી દીધા છે. મહત્વનુ છે કે સુષ્મિતા સેનના લગ્ન થયા નથી પરંતુ અગાઉ પણ તેણે બે દિકરીઓ દત્તક લીધી છે.હેલા વર્ષ 2000 અને પછી વર્ષ 2010માં પુત્રી રેની અને પુત્રી અલીશાને દત્તક લીધી હતી.

સુષ્મિતાએ હજી નથી કોઇ જાહેરાત

સુષ્મિતા સેને હજુ સુધી પુત્રને દત્તક લેવા અંગે કોઈ સત્તાવાર જાહેરાત કરી નથી, પરંતુ વીડિયોમાં તે પોતાના પુત્રનો પરિચય મીડિયા સાથે કરાવી રહી છે. વીડિયોમાં તે કહી રહી છે, 'માય ગોડ દીકરો પણ આવ્યો છે.' સુષ્મિતા સેન પીળા ટી-શર્ટ, બ્લુ જીન્સ અને લાલ માસ્કમાં માસૂમ બાળકને જોઈને ખૂબ જ ખુશ દેખાઈ રહી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

બાળક સાથે રેની અને અલીશા પણ જોવા મળી

સોશિયલ મીડિયામાં વાયરલ થયેલા વીડિયોમાં જોઇ શકાય કે સુષ્મિતાની સાથે તેની બંને દીકરીઓ રિની અને અલીશા પણ છે. તો સાથે જે એક અન્ય વ્યક્તિ બાળકને લઇને ઉભી છે. સુષ્મિતા આ બાળકને જોઇને ઘણી જ ખુશ દેખાઇ રહી છે. વીડિયોમાં તે મીડિયા પર્સન જોડે બાળકની ઓળખ કરાવે છે. જો કે હજી તો સત્તાવાર સામે આવ્યુ નથી કે સુષ્મિતાએ આ બાળકને દત્તક લીધુ પરંતુ વીડિયો જોતા આ વાત નકારી શકાય એમ પણ નથી. 

ફેન્સ કરી રહ્યા છે પ્રશંસા

 સુષ્મિતા સેન બોલિવૂડની એ અભિનેત્રી છે, જેણે જીવનમાં એવા ઘણા કાર્યો કર્યા છે જેનાથી અન્ય લોકોને પ્રેરણા મળે. તેણે લગ્ન વિના બે દીકરીઓને દત્તક લઇને એક દાખલો બેસાડ્યો છે ત્યારે હવે પુત્રને દત્તક લેવાની વાત આવતા ફેન્સ તેના વખાણ કરતા થાકતા નથી. ફેન્સ કહી રહ્યા છે આ કારણોસર જ સુષ્મિતા સેન અન્ય કરતા અલગ તરી આવે છે.