વિવાદ / શરમજનક : સિડની બાદ બ્રિસ્બેનમાં પણ ટીમ ઈન્ડિયાના આ બે ખેલાડીઓને દર્શકોએ ગાળો આપી

• સિડની બાદ બ્રિસ્બેનમાં પણ ગાળો આપી 
• સુંદર અને સિરાઝને આપવામાં આવી ગાળો
• ઓસ્ટ્રેલિયાના દર્શકોએ આપી પ્લેયરને ગાળો

સિડની મોર્નિંગ હેરાલ્ડની ખબર અનુસાર દર્શકોએ સિરાઝ સિવાય વોશિંગ્ટન સુંદર માટે પણ અભદ્ર ભાષાનો ઉપયોગ કર્યો. સુંદર આ મૅચથી ટેસ્ટ ક્રિકેટમાં ડેબ્યું કર્યુ હતુ, જ્યારે સિરાઝની આ ત્રીજી મૅચ છે. આ પહેલા આ સિરીઝની ત્રીજી મૅચ સિડની ક્રિકેટ ગ્રાઉન્ડ પર રમવામાં આવી હતી, જ્યાં દર્શકોએ સિરાઝ માટે રેસિસ્ટ કમેન્ટ કરી હતી. 

જેને લઇને ખુબ વિવાદ થયો હતો અને મૅચને પણ રોકવામાં આવી હતી. સિરાઝે એમ્પાયરને આ વાતની ફરિયાદ કરી હતી. જે બાદ 6 લોકોને સ્ટેડિયમની બહાર કાઢી મૂકવામાં આવ્યા હતા. બ્રિસ્બેનના ગાબા મેદાન પર સિરાજ અને સુંદર માટે અભદ્વ ભાષાનો ઉપયોગ કરવામાં આવ્યો છે. 

મેચની વાત કરીએ તો પહેલા દિવસે ઓસ્ટ્રેલિયા તરફથી માર્નસ લાબુશેનને 108 રન કર્યા હતા. તે સિવાય મેથ્યુ વેડે 45 રનનું યોગદાન આપ્યુ હતું. કેમરોન ગ્રીન 28 અને પેન 38 રન બનાવીને ક્રિઝ પર રહ્યાં છે. મેથ્યુ વેડે 45 રન કર્યા હતા અને ભારત તરફથી ટી નટરાજનને બે જેમકે મોહમ્મદ સિરાઝ, શાર્દુલ ઠાકુર અને સુંદરે એક એક વિકેટ લીધી હતી.