ચેતી જજો! / પિઝા બાદ હવે ડ્રાયફ્રૂટ્સમાંથી નીકળી જીવાત, અમદાવાદ-જામનગર વાસીઓ સાવધાન! ફૂડ વિભાગ થયું દોડતું

• અમદાવાદના સાઉથ બોપલમાં ડ્રાયફ્રૂટમાં જીવાત નીકળી 
• માધવ ડ્રાયફ્રૂટમાં જીવાત નીકળતા પરિવાર ચોંકી ગયો 
• જામનગરમાં ખોરાકમાંથી જીવાત નીકળવાની બની ઘટના
• નમકીનમાંથી ઈયળ નીકળતા હોબાળો 
• ખરીદેલી ખજૂરમાંથી નીકળી જીવતી ઈયળ

Ahmedabad News : ગુજરાતમાં તાજેતરમાં જ અમદાવાદ સહિત અનેક વિસ્તારોમાં પીઝામાં જીવાત નીકળ્યાની ઘટના સામે આવી ચૂકી છે. જે બાદમાં હવે અમદાવાદમાં ડ્રાયફ્રૂટમાંથી જીવાત નીકળી હતી. આ સાથે જામનગરમાં ખોરાકમાંથી જીવાત નીકળી હોવાની ઘટના સામે આવી છે. જેને લઈ હવે સંબંધિત વિસ્તારમાં ફૂડ વિભાગ દોડતું થયું છે.

અમદાવાદમાં ડ્રાયફ્રૂટમાંથી નીકળી જીવાત 
અમદાવાદમાં પીઝામાંથી જીવાત નીકળ્યા બાદ હવે ડ્રાયફ્રૂટમાં જીવાત નીકળ્યાની ઘટના સામે આવી છે. વિગતો મુજબ સાઉથ બોપલના શાલીગ્રામ શોપિંગ સેન્ટરમાં આવેલા માધવ ડ્રાયફ્રૂટમાંથી બોપલમાં રહેતા એક પરિવારે  ડ્રાયફ્રૂટની ખરીદી કરી હતી. જોકે માધવ ડ્રાયફ્રૂટ દુકાનમાંથી ખરીદી કરેલ  ડ્રાયફ્રૂટમાં જીવાત નીકળતા પરિવાર ચોંકી ઉઠ્યો છે. આ તરફ હવે આ દુકાનનો વીડિયો વાયરલ થઈ રહ્યો છે.

જામનગરમાં બોમ્બે નમકીનમાંથી ઈયળ નીકળી
જામનગરમાં ખોરાકમાંથી જીવાત નીકળવાનો સિલસિલો યથાવત છે. વિગતો મુજબ જામનગરની પટેલ કોલોનીમા આવેલી બોમ્બે નમકીનમાંથી ઈયળ નીકળી છે. નમકીનમાંથી ઈયળ નીકળતા હોબાળો મચી ગયો છે. ગ્રાહકે ખરીદેલી ખજૂરમાંથી જીવતી ઈયળ નીકળતા ચકચાર મચી ગઈ છે. આ તરફ હવે ઘટનાને લઈ કોર્પોરેશનનું ફૂડ શાખા ઘટના સ્થળે પહોંચી તપાસ હાથ ધરી હતી. જોકે તહેવાર સમયે જ ફૂડમાંથી ઈયળ નીકળતા લોકોમા ચર્ચા જાગી છે.