રાજસ્થાન / લગ્નના 54 વર્ષે ઘરમાં પારણું બંધાયું: 70 વર્ષની મહિલાએ દીકરાને આપ્યો જન્મ, પૂર્વ સૈનિક છે પતિ

• લગ્નના 54 વર્ષ પછી દંપતીનાં ઘરમાં કિલકારી ગુંજી
• રાજસ્થાનમાં આ પહેલો એવો કિસ્સો છે
• મહિલાની ઉંમર 70 વર્ષ છે અને તેના પતિની ઉંમર 75 વર્ષ છે.

રાજસ્થાનનાં અલવરમાં સોમવારે એક વૃદ્ધ દંપતીનાં ઘરેથી ખુશખબર સામે આવી છે. જ્યાં લગ્નના 54 વર્ષ પછી દંપતીનાં ઘરમાં કિલકારી ગુંજી છે. મળતી જાણકારી અનુસાર બાળકને જન્મ આપનારી મહિલાની ઉંમર 70 વર્ષ છે અને તેના પતિની ઉંમર 75 વર્ષ છે. બંને છેલ્લા 54 વર્ષથી લગ્ન બંધનમાં બંધાયેલા છે અને લગ્નના આટલા વર્ષ પછી હવે બંનેને પહેલી સંતાનની પ્રાપ્તિ થઇ છે. ડોક્ટરનું કહેવું છે કે આઇવિએફની મદદથી મહિલાએ સંતાનને જન્મ આપ્યો હતો અને ડોક્ટરનો દાવો છે કે રાજસ્થાનમાં આ પહેલો એવો કિસ્સો છે જ્યાં આટલી મોટી ઉંમરે કોઈ મહિલાએ બાળકને જન્મ આપ્યો હોય. જો કે આ ટેકનીકથી ભરેલ દુનિયામાં આ ઉંમરે ઘણાં દંપતીઓ માતા-પિતા બની ચુક્યા છે. ત્યાં જ અલવરના દંપતીનું કહેવું છે કે કે આટલી ઉંમરે અમે માતાપિતા બન્યા તેની ખુશી અમે શબ્દોમાં કહી નથી શકતા. 

રાજસ્થાનમાં આ પહેલો કિસ્સો
તમને જણાવી દઈએ કે આઇવિએફ ટેકનીકનાં જાણકાર લોકોનું માનવું છે કે દેશભરમાં આ ઉંમરની મહિલાએ બાળકને જન્મ આપ્યો એવા ઘણાં ઓછા કિસ્સા બને છે. જો કે રાજસ્થાનમાં આ પહેલો કિસ્સો છે જ્યાં 70 વર્ષની મહિલાએ સંતાનને જન્મ આપ્યો હોય. 

1968 થી રાહ જોઈ રહ્યા હતા 
બાળકના પિતા ગોપીચંદ જે સેનામાં સૈનિક તરીકે ફરજ નિભાવતા હતા એમનું કહેવું છે કે તેમના આંગણે એક સંતાન આવે તેની રાહ તે લોકો 1968થી જોઈ રહ્યા હતા. એમને જણાવ્યું હતું કે 1983માં સેનામાંથી રીટાયર થયા પછી તેની પત્નીને લઈને તેઓ દેશભરના લગભગ બધા ડોકટરો પાસે જાંચ કરાવી લીધી હતી પણ સંતાનનું સુખ નહતું મળી રહ્યું, એ પછી થોડા સંબંધીઓએ આઇવીફ વિશે જાણકારી આપી હતી અને અંતે 70 વર્ષની ઉંમરે તેને પોણા ત્રણ કિલોના બાળકને જન્મ આપ્યો હતો. 

આઇવીફની મદદથી આપ્યો જન્મ 
આઇવીએફને જ ટેસ્ટ ટ્યુબ બેબીના નામે જાણવામાં આવે છે. ટેસ્ટ ટ્યુબ બેબીને લઈને સરકારે આસિસ્ટેડરીપ્રોડકટીવીટી ટેકનિક કાનૂન લાગુ કરી દીધું છે. જેમાં 50 વર્ષથી વધુ ઉંમરની મહિલાઓ ટેસ્ટ ટ્યુબ બેબીથી મા નહીં બની શકે.