અફઘાનિસ્તાન / રાષ્ટ્રપતિની રેલી દરમિયાન બોમ્બ બ્લાસ્ટમાં 24ના મોત, અમેરિકી દૂતાવાસને બનાવાયો ટાર્ગેટ

• અફઘાનિસ્તાનમાં બે મોટા બ્લાસ્ટ
• રાષ્ટ્રપતિ ગનીની સભા અને અમેરિકી દૂતાવાસને બનાવાયો ટાર્ગેટ
• બોમ્બ બ્લાસ્ટમાં ઓછામાં ઓછા 24ના મોત

અફઘાનિસ્તાનના પરવન શહેર મંગળવારે આત્મઘાતી હુમલાથી હચમચી ગયું. પરવન શહેરમાં રાષ્ટ્રપતિ અશરફ ગનીની સભાના કાર્યક્રમ દરમિયાન એક આત્મઘાતી હુમલો થયો. જેમાં ઓછામાં ઓછા 24 લોકોના મોત થયા છે અને 10 લોકો ઘાયલ થયા છે. 

રાષ્ટ્રપતિના ચૂંટણી કેમ્પેનના પ્રવક્તા હામિદ અજીજે કહ્યું કે, 
'ઘટના સમયે રાષ્ટ્પતિ અશરફ ગની ઘટના સ્થળ પર હાજર હતા, તેઓ સમગ્ર રીતે સુરક્ષિત છે. ઇજાગ્રસ્તોને હોસ્પિટલ લઇ જવામાં આવી રહ્યા છે.'

અજીજે કહ્યું છે કે એ જલ્દીથી આ ઘટનાને લઇને સમગ્ર જાણકારી આપશે. પ્રાંતીય સરકારની પ્રવક્તા વાહિદા શાહકરે કહ્યું કે આ બ્લાસ્ટ એ સમયે થયો, જ્યારે રાષ્ટ્રપતિની રેલી ચાલી રહી હતી. રેલી સ્થળના ગેટ પર જ બોમ્બ બ્લાસ્ટ થયો, ત્યારબાદ વિસ્તારમાં હોબાળો થઇ ગયો. 

એમને જણાવ્યું કે અત્યાર સુધી કોઇ પણ આતંકી સમૂહે આ હુમલાની જવાબદારી લીધી નથી. અફઘાનિસ્તાનમાં આવતા મહિને ચૂંટણી યોજાનાર છે, જેના માટે હાલ ચૂંટણી પ્રચાર ઝડપથી ચાલી રહ્યો છે. આ હુમલાથી પણ ઘણા આતંકી હુમલા લોકતાંત્રિર પ્રક્રિયાને નિશાનો બનાવતા થઇ ચુક્યા છે. 

બીજો પણ બ્લાસ્ટ થયો
તો બીજી બાજુ આ હુમલા બાદ બીજો એક બ્લાસ્ટ થયો હોવાની માહિતી છે. જાણકારી અનુસાર બીજો બોમ્બ બ્લાસ્ટ પીડી 9 શહેરમાં થયો. આ દરમિયાન મસૂદ સ્ક્વાયર અને અમેરિકી દૂતાવાસની નજીક બ્લાસ્ટ થયો.