હુમલો / કાબુલમાં લગ્ન પ્રસંગમાં બોમ્બ વિસ્ફોટ, 60થી વધુની મોત, 182 લોકો ઇજાગ્રસ્ત

સૂત્રોનુસાર, ઇજાગ્રસ્ત થયેલા તમામ લોકોને નજીકની હોસ્પિટલમાં દાખલ કરવામાં આવ્યા છે. આ બોમ્બ વિસ્ફોટ પ્રશ્ચિમ કાબુલના એક વેડિંગ હૉલમાં થયો. આ સમારોહમાં 1000થી વધુ મહેમાન હાજર હતા. એક અધિકારીએ જણાવ્યુ કે, ''મૃત્યુ પામનાર લોકોની સંખ્યામાં હજુ વધારો થઇ શકે છે.''

અફધાનિસ્તાનના ગૃહ મંત્રાલય અનુસાર, ઘટના શનિવારે સ્થાનીય સમયાનુસાર 10.40 (ભારતીય સમયાનુસાર રાતે 11.40) વાગ્યાની છે. 

#UPDATE At least 40 people have been killed and more than 100 others are wounded in the blast at Kabul wedding, said sources: TOLOnews #Afghanistan https://t.co/GpsCoWesvM

— ANI (@ANI) August 18, 2019

ગૃહ મંત્રાલયના પ્રવક્તા નુસરત રહીમીએ જણાવ્યુ કે, ''હજુ સુધી આ હુમલાની કોઇએ જવાબદારી લીધી નથી, એટલા માટે કહી ના શકાય કે આ હુમલા પાછળનું શું કારણ છે. આ વિસ્તારમાં શિયા હજારા સમાજના લોકો મોટી સંખ્યામાં રહે છે.'' નુસરત રહીમીએ આગળ જણાવ્યુ કે, ''હુમલાખોર સમારોહ દરમિયાન ત્યાં હાજર હશે અને તેણે બોમ્બ વિસ્ફોટ કર્યો હશે. આ વિસ્ફોટ લગ્નના સ્ટેજની પાસે થયો જ્યાં મ્યુઝિશિયન હાજર હતા.'' એક પ્રત્યક્ષદર્શીએ દાવો કરતા કહ્યુ કે, ''બોમ્બ બ્લાસ્ટમાં મોટી સંખ્યામાં બાળકો પણ મૃત્યુ પામ્યા છે''

8 ઓગસ્ટના પણ થયો હતો હુમલો:

કાબુલમાં આ મહિનાનો બીજો હુમલો છે. 8 ઓગસ્ટના થયેલા બ્લાસ્ટમાં 14 લોકો માર્યા ગયા હતા, જ્યારે 145થી વધુ લોકો ઇજાગ્રસ્ત થયા હતા. પ્રશ્ચિમી વિસ્તારમાં અફધાન સુરક્ષાકર્મચારીઓને તાલિબાને પોતાનો નિશાનો બનાવ્યા હતા. આ માટે કારનો ઉપયોગ કરવામાં આવ્યો હતો. તાલિબાન અને ઇસ્લામિક સ્ટેટ ગ્રુપના આંતકી આ પ્રકારના હુમલાઓને અંજામ આપે છે.

28 સપ્ટેમ્બરના છે ચૂંટણી:

અફધાનિસ્તાનમાં આ વર્ષે 28 સપ્ટેમ્બરના ચૂંટણી છે, જેને લઇને અમેરિકા અને તાલિબાન વચ્ચે ચાલી રહેલી વાર્તાને કારણે હિંસા વધી ગઇ છે. આ વિસ્ફોટમાં અફધાનિસ્તાનની રાજધાનીમાં છેલ્લા ઘણા દિવસોથી શાંતિ ભંગ થઇ હતી. જોકે હવે લગ્ન સમારોહમાં થયેલા બોમ્બ વિસ્ફોટની ઘટનાને અફધાનિસ્તાનની આ વર્ષનો સૌથી મોટી હુમલો માનવામાં આવી રહ્યો છે.