હિસ્સેદારી સહયોગ / અદાણી ટોટલ ગેસ એન્ડ ટોરેન્ટ ગેસ IGX માં પાંચ ટકા હિસ્સેદારી ખરીદનાર પ્રથમ સ્ટ્રેટેજિક ઈન્વેસ્ટર્સ બની

• ગેસ ઈન્ડીયન એક્સચેન્જ દેશની પહેલી અધિકૃત ગેસ એક્સચેન્જ કંપની
• 2030 ની સાલ સુધીમાં એનર્જી સેક્ટરમાં ગેસની શેર હિસ્સેદારી 6 ટકાથી વધારીને 15 ટકા સુધી કરવા પ્રતિબદ્ધ : આઈજીઈ  ડિરેક્ટર 
• ભારત દુનિયામાં એનર્જી અને ગેસ હબ બનવાની દિશા ભણી આગળ વધી રહ્યો છે : ટોરેન્ટ ગેસ  ડિરેક્ટર જિનલ મહેતા 

અદાણી ટોટલ ગેસ લિમિટેડના સીઈઓ સુરેશ પી મંગલાણીએ એક નિવેદન બહાર પાડીને જણાવ્યું કે અદાણી ટોટલ ગેસ ભારતના એનર્જી સેક્ટરમાં કુદરતી ગેસની હિસ્સેદારી વધારવા માટે જરૃરી માળખાકિય સુવિધાઓનું નિર્માણ કરવા કટિબદ્ધ છે. ઈન્ડીયન ગેસ એક્સચેન્જ આગામી વર્ષોમાં ગેસ સેક્ટરની કાયાપલટ કરવા માટે પૂરતા સાધનોથી સજ્જ બનીને બેઠી છે, કંપની સક્ષણ અને સ્પર્ધાત્મક ગેસ પ્રાઈસિંગને સક્ષમ બનાવીને દેશમાં કુદરતી ગેસના સમાન વિતરણ કરવામાં મદદનો હાથ લંબાવશે.ગેસ ઈન્ડીયન એક્સચેન્જ દેશની પહેલી અધિકૃત ગેસ એક્સચેન્જ કંપની છે. બે પ્રતિષ્ઠિત ગેસ કંપનીના સહયોગથી ઈન્ડીયન ગેસ એક્સચેન્જ ભારતીય ગેસ માર્કેટને વિકસીત કરવામાં મહત્વપૂર્ણ ભૂમિકા નિભાવશે. ઈન્ડીયન એનર્જી એક્સચેન્જે, ઈન્ડીયન ગેસ એક્સચેન્જમાં સ્ટ્રેટેજિક શેરની જાહેરાત કરી છે.

2030 ની સાલ સુધીમાં એનર્જી સેક્ટરમાં ગેસની શેર હિસ્સેદારી 6 ટકાથી વધારીને 15 ટકા કરવા કટિબદ્ધ

ઉપલા અને નીચલા હાઈડ્રોકાર્બન વેલ્યુ ચેઈનમાં હિસ્સેદારી ધરાવનાર ભારતની બે પ્રતિષ્ઠિત એનર્જી કંપની અદાણી ટોટલ ગેસ લિમિટેડ અને ટોરેન્ટ ગેસ પ્રાઈવેટ લિમિટેડે  ઈન્ડીયન ગેસ એક્સચેન્જમાં 5 ટકાની હિસ્સેદારી ખરીદી છે. આ મુદ્દે બોલતા ઈન્ડીયન ગેસ એક્સચેન્જના ડિરેક્ટર રાજેશ કે મેડિરત્તાએ કહ્યું કે 2030 ની સાલ સુધીમાં એનર્જી સેક્ટરમાં ગેસની શેર હિસ્સેદારી 6 ટકાથી વધારીને 15 ટકા સુધી કરવા માટે ભારત સરકારના વિઝનને અનુરૃપ દેશના ગેસ માર્કેટના વિકાસમાં મહત્વપૂર્ણ ભૂમિકા ભજવવાનું વિઝન ઈન્ડીયન ગેસ એક્ષચેન્જ ધરાવે છે. તેમણે કહ્યું કે દેશના નવોદિત ગેસ માર્કેટને આકાર આપવાની અમારી સફરમાં, અમને અદાણી ટોટલ ગેસ એન્ડ ટોરેન્ટ ગેસ સાથે ભાગીદારી કરવાની તક મળી તેનો અમને વિશેષ આનંદ છે. 

ટોરેન્ટ ગેસ પ્રાઈવેટ લિમિટેડના ડિરેક્ટર જિનલ મહેતાનું નિવેદન

ટોરેન્ટ ગેસ પ્રાઈવેટ લિમિટેડના ડિરેક્ટર જિનલ મહેતાએ જણાવ્યું કે ભારત દુનિયામાં એનર્જી અને ગેસ હબ બનવાની દિશા ભણી આગળ વધી રહ્યો છે. ઈન્ડીયન ગેસ એક્ષચેન્જ દેશના ગેસ માર્કેટમાં મહત્વપૂર્ણ ભૂમિકા નિભાવી રહી છે, કંપની માગ તથા ગેસની ઉપલબ્ધતા વધારશે અને સ્પર્ધાત્મક કિંમતો પણ સુનિશ્ચિત કરી શકશે.ભારતની પહેલી ડિલિવરી આધારિત ગેસ એક્સચેન્જ કંપની ટોરેન્ટ ઈન્વેસ્ટમેન્ટ ભારતના એનર્જી સેક્ટરમાં પગપેસારો કરવા અમારી રણનીતિને અનુરૃપ છે. ઈન્ડીયન ગેસ એક્સચેન્જ  પેટ્રોલિયમ અને નેચરલ ગેસ રેગ્યુલેટરી બોર્ડનું અધિકૃત પ્રમાણપત્ર મેળવનાર દેશની પહેલી કંપની બની છે.