બિઝનેસ / અદાણીએ 1.1 અબજ ડોલર ચુકવ્યા: પ્રમોટર્સની લોનનું પેમેન્ટ 19 મહિના પહેલા કર્યું, થશે આ ફાયદો

• અદાણીએ 1.1 અબજ ડોલરનું પેમેન્ટ કર્યું 
• અદાણી ગ્રુપના ગિરવે શેર હવે રિલીઝ થશે
• પ્રમોટર્સની લોનનું પેમેન્ટ 19 મહિના પહેલા કર્યું

અદાણી ગ્રુપના પ્રમોટર્સે 1.1 બિલિયન ડોલરની લોનનું પેમેન્ટ સમયના 19 મહિના પહેલા કરી દીધું છે. સપ્ટેમ્બર 2024માં તેની મેચ્યોરિટી થવાની હતી. તેનાથી અદાણી ગ્રુપની ત્રણ કંપની અદાણી પોર્ટ્સ, અદાણી ગ્રીન એનર્જી અને અદાણી ટ્રાન્સમિશનના ગિરવે મુકેલા શેર રિલીઝ થઈ ગયા છે. ગ્રુપે કહ્યું કે હાલના બજારમાં ઉતાર-ચઢાવને જોતા આમ કરવામાં આવ્યું છે. 

પ્રમોટર હોલ્ડિંગ્સના 12% શેર રિલીઝ થશે
અદાણી પોર્ટના 168.27 મિલિયન શેર અથવા પ્રમોટર હોલ્ડિંગ્સને 12% શેર રિલીઝ થશે. અદાણી ટ્રાન્સમિશનના 11.77 મિલિયન શેર અથવા પ્રમોટર હોલ્ડિંગના 1.4% અને અદાણી ગ્રીન એનર્જીના 27.56 મિલિયન શેર અથવા પ્રમોટર હોલ્ડિંગના 3% શેર રીલિઝ થશે. અદામી પોર્ટના પ્રમોટર હોલ્ડિંગની 17.3% ગિરવી શેરની ભાગીદારી ઘટીને 5.31% પર આવી જશે. 

અદાણી પોર્ટના શેર 8.63% ઉપર
હિંડનબર્ગના રિસર્ચના રિપોર્ટ  પબ્લિશ થયા બાદથી અદાણી ગ્રુપના શેરમાં સતત ઘટાડો જોવા મળ્યો છે. અદાણી ગ્રીનના શેર 5.00% ઘટીને 889.10 રૂપિયા પર અને અદાણી ટ્રાન્સમિશનના શેર 10.00% ઘટ્યા. આ 1,256.45 રૂપિયા પર બંધ થાય. જોકે આજે અદાણી પોર્ટના શેર 8.63% ચડીને 541.90 રૂપિયા પર બંધ થયા. 

અદાણી અમારોની લિસ્ટમાં 18માં સ્થાને 
શેરમાં ઘટાડા બાદ ગૌતમ અદાણીની નેટવર્થ 60 બિલિયન ડોલર થઈ ગઈ છે. ગયા વર્ષે આ 150 બિલિયન ડોલરની નજીક હતી. સોમવારે જાહેર થયેલી ફોર્બ્સની અમીરોની રિયલ ટાઈમ લિસ્ટમાં અદાણી 18માં સ્થાને આવી ગયા. શુક્રવારે તે 22માં સ્થાન પર હતા. 27 ફેબ્રુઆરીના પહેલા અદાણી દુનિયાના ત્રીજા સૌથી અમીર વ્યક્તિ હતા અને એશિયામાં પહેલા નંબર પર હતા.