બૉલીવુડની ખૂબસુંદર એક્ટ્રેસ રેખાની સુંદરતાના આજે પણ લોકો દીવાના છે. તાજેતરમાં રેખા ટીવીના રિયાલીટી શો 'રાઇજિંગ સ્ટાર'માં ગેસ્ટ તરીકે પહોંચી હતી. એ દરમિયાન એને પોતાના અંદાજથી તમામને દીવાના બનાવી દીધા. રેખા અને કન્ટેસ્ટેન્ટે શો દરમિયાન ખૂબ જ મસ્તી કરી. જેનો વીડિયો સોશિયલ મીડિયા પર ખૂબ જ ઝડપથી વાયરલ થઇ રહ્યો છે.
શો દરમિયાન નાના નાના સિંગર્સે પોતાની પ્રતિભાનું પ્રદર્શન કર્યું. એ ત્રણેય સિંગરો અમિતાભ બચ્ચન, રેખા અને શશિ કપૂર બનીને આવ્યા. એ ત્રણેય બાળકોને જોઇને રેખા ખૂબ ખુશ થઇ ગઇ. જેવું એક કન્ટેસ્ટેન્ટે જણાવ્યું કે એ અમિતાભ બચ્ચન બનીને આવ્યો છે તો પહેલા રેખા થોડું શરમાય છે પછી એની બોલતી બંધ થઇ જાય છે. એવામાં રેખા પોતાનું હસવાનું રોકી શકતી નથી. અને શરમીલા અંદાજામાં પોતાનું હસવાનું દબાવી દે છે.
આ વચ્ચે રેખાએ વચ્ચેથી ઊભી થઇને બાળકીને પૂછ્યું એ શું બનીને આવી છે. એ બાળકીએ કહ્યું કે એ રેખા બનીને આવી છે. એ દરમિયાનનો વીડિયો ખૂબ જ પસંદ કરવામાં આવી રહ્યો છે.