અક્ષય કુમારની ફિલ્મ OMGનો બીજો ભાગ આવી રહ્યો છે. ત્યારે અક્ષય કુમારે ઇન્સ્ટાગ્રામ પર એક વીડિયો શેર કર્યો છે જેમાં તેઓ કૉ-સ્ટાર પંકજ ત્રિપાઠી સાથે મહાકાલના દર્શન કરવા ઉજ્જૈન પહોંચ્યા છે.
ઓહ માય ગૉડ 2માં અક્ષય કુમાર શિવના રૂપમાં જોવા મળશે
અક્ષય કુમારની OMG 2નું પોસ્ટર પણ થયું રિલીઝ
પંકજ સાથે અક્ષય કુમારે કર્યા ભગવાન શિવના દર્શન
બૉલીવુડ એક્ટર અક્ષય કુમાર ઇન્ડસ્ટ્રીના સૌથી વ્યસ્ત કલાકારોમાંથી એક છે. એક્ટર વર્ષમાં અડધો ડઝન આસપાસ ફિલ્મો કરે છે અને હંમેશા પોતાના કમિટમેન્ટને લઇને ચર્ચામાં રહે છે. હવે અક્ષય કુમાર ધાર્મિક ભાવનાઓ સાથે જોડાયેલી ફિલ્મો એક બાદ એક સાઇન કરી રહ્યા છે. આ હેઠળ નવી ફિલ્મ ઓહ માય ગૉડના બીજો ભાગ પણ જોડાઇ ગયો છે. અક્ષય કુમારની ફિલ્મ OMGનો બીજો ભાગ આવી રહ્યો છે. પહેલા ભાગમાં જ્યારે અક્ષય કુમાર ભગવાન કૃષ્ણના રોલમાં નજરે આવ્યા હતા તો તેઓ હવે ફિલ્મના બીજા ભાગમાં તેઓ શિવના રૂપમાં નજરે આવશે. હાલમાં જ તેઓ પોતાના કૉ-સ્ટાર સાથે ભગવાનના આશીર્વાદ લેવા પહોંચ્યા.
અક્ષય કુમારની OMG 2નું પોસ્ટર રિલીઝ
એક્ટર અક્ષય કુમારે હાલમાં જ સોશિયલ મીડિયા દ્વારા પોતાની અપકમિંગ ફિલ્મ OMG-2નું પોસ્ટર રિલીઝ કરી દેવાયું છે. તેમણે આ સાથે જ પોતાનો લુક પણ શેર કર્યો જેમાં તેઓ શિવ રૂપમાં નજરે આવી રહ્યા છે. એક્ટર દ્વારા આ માહિતી શરે કર્યા બાદ ચોતરફ આ પ્રોજેક્ટને લઇને ચર્ચા શરૂ થઇ ગઇ છે. એક્ટરે હવે ઇન્સ્ટાગ્રામ પર એક વીડિયો શેર કર્યો છે જેમાં તેઓ કૉ-સ્ટાર પંકજ ત્રિપાઠી સાથે મહાકાલના દર્શન કરવા ઉજ્જૈન પહોંચ્યા છે.
વીડિયોમાં તેઓ પંકજ ત્રિપાઠી સાથે સ્લો મોશનમાં ચાલતા નજરે પડી રહ્યા છે અને વાર્તાલાપ કરી રહ્યા છે. વીડિયો અક્ષય દ્વારા શેર થતા જ સોશિયલ મીડિયામાં ઝડપથી વાયરલ થઇ રહ્યો છે. વીડિયોની સાથે અક્ષયે કેપ્શનમાં લખ્યું કે, બ્રહ્માંડનો પ્રારંભ જ્યાં, બ્રહ્માંડનું પ્રસ્થાન જ્યાં, આદી અને અનંત કાળના સ્વામી, ભગવાન મહાકાલના આશીર્વાદ લેવા તપસ્વિઓની નગરી ઉજ્જૈન પહોંચ્યા હું અને મારા મિત્ર @pankajtripathi. #OMG2