UP ELECTION / કોંગ્રેસ કાર્યાલયમાં કનૈયા કુમાર પર ફેંકવામાં આવ્યું એસિડ, પોલીસે ત્યાંને ત્યાં દબોચી લીધો

• UPમાં પ્રચાર કરવા માટે કનૈયા કુમાર ગયો હતો
• કોંગ્રેસ કાર્યાલય પર કનૈયા પર એસિડ અટેક કર્યો
• પોલીસે દબોચી લીધો

યુપી કોંગ્રેસના કાર્યાલયમાં કનૈયા કુમારના વિરોધમાં નારેબાજી કરતા એક યુવકે તેના પર શાહીમાં કેમિકલ ભેળવીને ફેંક્યું હતું.આ દરમિયાન બચાવ કરવા ઉતરેલા બે સમર્થકો ઘાયલ થઈ ગયા હતા. આ ઘટનાથી પીસીસીમાં ભાગદોડ મચી ગઈ હતી. તો વળી આરોપી યુવકને પોલીસે દબોચી લીધો છે. જ્યારે ઘાયલોને હોસ્પિટલમાં મોકલી દેવામાં આવ્યા છે. એડીસીપી મધ્ય રાઘવેન્દ્ર મિશ્રાએ જણાવ્યું હતું કે, આરોપીની ધરપકડ કરીને પૂછપરછ કરવામાં આવી રહી છે. દેવાંશ વાજપેયી પુત્ર સંજય વાજપેયી બાગહમનારાયણ ચૌકનો રહેવાસી છે. તેણે જણાવ્યું કે, કનૈયા કુમાર દેશી વિરોધી વાતો કરે છે. આરોપીએ કેમિકલમાં શાહી ભેળવી હોવાની વાત પણ સ્વિકારી છે. 

તો વળી કનૈયા કુમાર અને તેના સમર્થકોનું કહેવું છે કે, તેનાથી ચહેરા અને શરીર પર બળતરા થઈ રહી છે. કેમિકલ ફેંકનારા દેવાંશ વાજપેયીને કનૈયાના સમર્થકોએ પકડી લીધો અને પોલીસના હવાલે કરી દીધો હતો. આરોપી યુવકનું કહેવું છે કે, કનૈયા દેશદ્રોહી છે. તેનો પ્રોગ્રામ લખનઉમાં શા માટે થવો જોઈએ. જે દેશનો નહીં તે અમારો કેવી રીતે હોઈ શકે.

મંગળવારે કોંગ્રેસ કાર્યાલયમાં એક કાર્યક્રમ હતો. લોકો કનૈયા કુમારની રાહ જોઈ રહ્યા હતા. કનૈયા આ કાર્યક્રમમાં મોડો પહોંચ્યો હતો. જેવો તે મંચ પર આગળ વધ્યો કે, અમુક યુવકોના ગ્રુપે તેના પર કેમિકલ જેવું લિક્વિડ ફેંક્યું. તેનાથી અફરાતફરી મચી ગઈ હતી. લોકો આમતેમ ભાગવા લાગ્યા હતા. એક પ્રદર્શનકારીએ દેવાંશ વાજપેયીને ત્યાં જ પકડી પાડ્યો હતો. કોંગ્રેસનો આરોપ છે કે, આ કામ એબીવીપીના કાર્યકર્તાઓ દ્વારા કરવામાં આવ્યું છે. તે કોંગ્રેસનો આ કાર્યક્રમ થવા દેવા માગતા નથી. તેઓ નથી ઈચ્છતા કે, લોકતાંત્રિક રીતે કોઈ પોતાની વાત રજૂ કરી શકે. કનૈયા ક્યાંક લોકોની વચ્ચે હિરો ન બની જાય તે વાતનો ડર સતાવી રહ્યો છે.