ક્રાઈમ / હરિયાણામાં યુવતીની હત્યા કરનાર આરોપી ઝડપાયા, કહ્યું" મારી ધરપકડ કરાવડાવી એટલે મારી નાખી"

• હરિયાણામાં ધોળા દિવસે યુવતીની હત્યા કરવામાં આવી હતી
• મુસ્લિમ યુવાન ધર્મપરિવર્તન કરીને લગ્ન કરવા દબાણ કરતો હતો 
• કારમાં ખેંચીને અપહરણ કરવાનો પ્રયાસ કર્યો અને વશ ન થઈ, તો હત્યા કરી 

આ ઘટના અગ્રવાલ કોલેજની સામેના રસ્તા પર બની જ્યારે પેપર  આપ્યા બાદ બીકોમના અંતિમ વર્ષના વિદ્યાર્થીની નિકિતા બહાર નીકળી ત્યારે તેને પિસ્તોલ પોઈન્ટ પર અપહરણ કરી ગાડીમાં બેસાડવાનો આ યુવાનોએ પ્રયાસ કર્યો હતો, પરંતુ નિકિતા એ વિરોધ કરતાં તે નિષ્ફળ ગયો ત્યારે તેણે તેને ગોળી મારી દીધી હતી. આ આરોપીએ કહ્યું હતું કે આ અગાઉ મારી ધરપકડ કરાવી હતી એટલે હત્યા કરી. 

યુવતીનું ઘટના સ્થળે જ થયું મોત

આ ઘટનામાં ગોળી લાગવાથી યુવતીનું ઘટના સ્થળે જ મોત નીપજ્યું હતું, બનાવ બાદ આરોપીઓ કારમાં સવાર થઈને ભાગી ગયા હતા. જો કે આખી ઘટના ત્યાં લાગેલા CCTV કેમેરામાં કેદ થઈ ગઈ હતી, જેના આધારે પોલીસ બંને આરોપીઓની ધરપકડ કરી લીધી હતી. 

Haryana: Police have arrested the main accused and his accomplice in #Ballabhgarh incident pic.twitter.com/8Dv4f36Da6

— ANI (@ANI) October 27, 2020

નિકિતા ને લગ્ન કરવા દબાણ કરી રહ્યો હતો તૌસિફ નામનો મુસ્લિમ યુવાન 

બીજી તરફ પરિવારનું કહેવું છે કે આરોપી યુવાન તૌસિફ એ વર્ષ 2018 માં પણ નિકિતાનું અપહરણ કરવાનો પ્રયાસ કર્યો હતો. તે તેને મુસ્લિમ બનાવીને તેની સાથે લગ્ન કરવા દબાણ કરી રહ્યો હતો. તે સમયે પોલીસમાં ફરિયાદ કરી હતી, પરંતુ તે સમયે સ્થાનિક પોલીસના દબાણને કારણે અને આરોપીઓ સામે કોઈ કાર્યવાહી કરવામાં ન આવતા સ્થાનિક લોકોના કારણે તેઓએ સમાધાન કર્યું હતું. તેમણે કહ્યું હતું કે પોલીસની આ બેકાળજીની કિમત નિકિતા એ ચૂકવવી પડી હતી. 

આ પ્રસંગે યુવતીના પરિવારજનો અને ઘણા લોકો ધરણાં પર બેઠા હતા અને SIT ગઠિત કરીને યુવતીને ન્યાય અપાવવાની માંગણી કરી હતી. વિદ્યાર્થીના સબંધી હકીમસિંહે કહ્યું, 'તે યુવતીને મુસ્લિમ બનવા માટે વારંવાર દબાણ કરતો હતો. તેણે આ ગુનો ત્રણ વર્ષ પહેલા કર્યો હતો, પરંતુ ત્યારબાદ અમારે પંચના ચુકાદાથી મામલો થાળે પડ્યો હતો."

Family & close friends of Nikita say Taufeeq the accused wanted her to convert & marry him! Shot her because she refused. #lovejihaad #Justicefornikita pic.twitter.com/UlmWuNg9DI

— MAYANK CHAUDHARY (@IamMayank_) October 27, 2020

નિકિતા ને મુસ્લિમ બનાવીને તેની સાથે લગ્ન કરવા માંગતો હતો તૌસિફ

વધુમાં તેમણે કહ્યું હતું કે હવે છોકરો છોકરીને ફરીથી બોલાવે છે કે આપણે મુસ્લિમ તરીકે લગ્ન કરીશું. જ્યારે યુવતીએ ના પાડી ત્યારે તેનું અપહરણ કરવાનો પ્રયાસ કરવામાં આવ્યો હતો. અપહરણ કરવામાં નિષ્ફળ આરોપી મુસ્લિમ યુવાને યુવતીની હત્યા કરી નાખી છે. હવે અમારી માંગણી છે કે SIT ની રચના કરવામાં આવે અને આ મામલાની તપાસ થવી જોઇએ અને આ મામલે ફાસ્ટ ટ્રેક કોર્ટમાં સુનાવણી થવી જોઈએ."

હરિયાણા[ના મુખ્યપ્રધાન અને ગૃહપ્રધાને જો કે SIT ની માંગણી સ્વીકારી લીધી હતી અને કહ્યું હતું કે આરોપીઓને કડકમાં કડક સજા કરવામાં આવશે. એક માહિતી અનુસાર આરોપી યુવાનના સગાંસંબંધી હરિયાણાના રાજકારણમાં રહી ચૂક્યા છે, જેમાંથી એક કોંગ્રેસના ધારાસભ્ય છે અને એક આ પહેલા એક સમયે હરિયાણામાં મંત્રી રહી ચૂક્યા છે.