લોકોને બેસવા માટેના આધુનિક ઝુલાઓ અને બેન્ચિસ, ગાર્ડન હોય, સાથે સાથે પશુ પંખીઓને પાણી અને ચણની વ્યવસ્થા અને ગાયો માટે પાણી પીવાનો અવેડો હોય. અને પક્ષીઓ માટે ચબૂતરો હોય,તો તમે આવા સ્થળને શું કહેશો. કદાચ તમે આને ફરવાનું કે કોઈ ધાર્મિક સ્થળ કહેશો. પરંતુ લાઠીની સરકારી કચેરીમાં આ સુવિધા છે.
તમે આવી સરકારી કચેરી નહીં જોઈ હોય
અરજદારો સાથે અબોલજીવનો પણ ખ્યાલ
કર્તવ્ય નિષ્ઠાથી ઝળહળતી PGVCL કચેરી
અમરેલીના લાઠીમાં આવેલી 1938માં રજવાડી સમયમાં સ્થપાયેલી PGVCL ની પેટા વિભાગની કચેરી જાણે કોર્પોરેટ ઓફિસને પણ ટક્કર મારે તેવી છે. આ કચેરીની વિશેષતા એ છે કે કચેરીના સમય શરૂ થવા પહેલા pgvcl ના અધિકારી સહિત તમામ કર્મચારીઓ કચેરીમાં રાષ્ટ્રગાન ગાયને બાદ જ કચેરીનું કામકાજ શરૂ થાય છે સરકારી કચેરીમાં ક્યાંય રાષ્ટ્રગાન સાથે કામકાજ શરૂ થતું હોય તેવી એકમાત્ર રાજ્યની લાઠીની પીજીવીસીએલ પેટા વિભાગ કચેરી છે.
કચેરીમાં 28 ગામડાઓ અને લાઠી શહેરનો સમાવેશ
લાઠી પીજીવીસીએલ કચેરીમાં 28 ગામડાઓ અને લાઠી શહેરનો સમાવેશ થાય છે.આ કચેરીમાં 55 કર્મચારીઓનો સ્ટાફ છે, કચેરીનું બિલ્ડીંગ જોતાં જ કર્મચારીઓની કર્તવ્ય નિષ્ઠા ઉડીને આંખે વળગે છે, અહીં આવતા અરજદારો માટે બેસવા માટેના આધુનિક ઝુલાઓ, બેંચ અને ગાર્ડનની સુવિધા છે..નવાઈન વાત એ છે કે અહીં આવતા એક પણ અરજદારને આજ દિન સુધી ક્યારેય ધક્કા ખાવા પડ્યા હોય તેવું બન્યું નથી.
લોકોને કપડા અને બાળકો માટે રમકડાં મળી રહી તેવી વ્યસ્થા કરાઈ
અહીં કર્મચારીઓ અરજદારોનું જેટલું ધ્યાન રાખે છે. તેટલું અબોલ જીવોનું પણ ધ્યાન રાખે છે. કર્મીઓ ગાયો માટે પાણીના અવેડાથી લઈને પક્ષીઓ માટેના ચબૂતરા, ચણ, પાણી સહિતની સવલતોની પણ પૂરતી તકેદારી રાખે છે..તો આ કચેરીના અધિકારીઓ દ્વારા અમરેલી રોડ પર માનવતાની મહેક નામે સ્ટેન્ડ ઊભું કર્યુ છે...જેમાં જરૂરતમંદ લોકોને કપડા અને બાળકો માટે રમકડાં મળી રહી તેવી વ્યસ્થા કરાઈ છે...
સીસીટીવી, સ્વચ્છતા, આધુનિક ગાર્ડન સહિતની સગવડ
જુનવાણી સમયની આખી આ બિલ્ડિંગ જાણે કોર્પોરેટ હાઉસ હોય તેવું વાતાવરણ જોવા મળી રહ્યું છે, સીસીટીવી, સ્વચ્છતા, આધુનિક ગાર્ડન સહિતની સગવડતાઓને કારણે આવનારા અરજદારો ખૂબ જ ખુશ થાય છે પશ્ચિમ ગુજરાત વીજ કંપની લિમિટેડની ગુજરાત રાજ્યની એકમાત્ર લાઠી પીજીવીસીએલ પેટા વિભાગની કચેરી આઈ.એસ.ઓ. સર્ટીફીકેટ ધરાવતી કચેરી બની ગઈ છે. આમ,દરેક સુવિધાઓથી સજ્જ અને કર્મચારીઓની સમૂહ અને સેવાભાવનાથી ઝળહળતી આવી એક સરકારી કચરેમાંથી પ્રેરણા લઈને અન્ય સરકારી કચેરીઓ પણ આનું ક્યારે અનુકરણ કરે છે તે જોવું રહ્યું!