ટ્રોલિંગ / The big bullમાં અભિષેકની એક્ટિંગને યુઝરે ગણાવી થર્ડક્લાસ, એક્ટરે આપ્યો સણસણતો જવાબ 

• અભિષેકની એક્ટિંગ પર ઉઠ્યા સવાલ 
• હર્ષદ મહેતા સ્કેમ પર બની છે ફિલ્મ 
• અભિષેકે આપ્યો સણસણતો જવાબ 

ધ બિગબુલ હર્ષદ મહેતાએ કરેલ 1992 સ્કેમની આધાર પર બની છે. સોશ્યલ મિડીયા પર લોકોને અભિષેકનો આ અંદાજ પસંદ આવી રહ્યો છે પરંતુ કેટલાક લોકો છે જે એક્ટરની એક્ટિંગ પર સવાલ ઉઠાવી રહ્યાં છે. 

એક યુઝરે અભિષેકની એક્ટિંગને થર્ડક્લાસ કહી હતી જેના પર અભિષેકે રિએક્ટ કર્યુ છે અને ગાંધીગીરીથી જવાબ આપ્યો છે. યુઝરે લખ્યું કે હંમેશાની જેમ અભિષેકની થર્ડ ક્લાસ એક્ટિંગ, ખરાબ સ્ક્રિપ્ટ અને બેકાર ફિલ્મે નિરાશ કર્યા. સ્કેમ 1992 તેનાથી સારી હતી. 

યુઝરની આ કમેન્ટ પર અભિષેકે જવાબ આપ્યો કે, હેય મેન જ્યાં સુધી મે તને નિરાશ નથી કર્યો હું ખુશ છું. પોતાનો સમય કાઢીને ફિલ્મ જોવા માટે થેન્ક્યુ. 

ધ બિગબુલમાં અભિષેક બચ્ચન સાથે નીકિતા દત્તા અને ઇલીયાના ડિક્રુઝ લીડ રોલમાં નજર આવી રહ્યાં છે. ધ બિગ બુલની સ્ટોરી 1992માં થયેલ ભારતીય સ્ટોક માર્કેટના સૌથી મોટા સ્કેમના આરોપી હર્ષદ મહેતા પર આધારિત છે.

તમને જણાવી દઇએ કે હર્ષદે ઘણા ફાઇનાન્સિયલ ક્રાઇમને અંજામ આપ્યો હતો જેના કારણે તેની ધરપકડ પણ કરવામાં આવી હતી અને આ ફિલ્મને અજય દેવગણ અને આનંદ પંડિતે પ્રોડ્યુસ કરી છે. કેટલાક દિવસ પહેલા જ ફિલ્મનુ ટ્રેલર રિલીઝ થયુ હતુ જેને ખુબ સારો રિસપોન્સ મળ્યો હતો. 

ગયા વર્ષે હંસલ મહેતાની વૅબ સિરીઝ સ્કેમ 1992 રિલીઝ થઇ હતી જેમાં પ્રતિક ગાંધીએ હર્ષદ મહેતાનુ પાત્ર ભજવ્યુ હતુ. તેને ખુબ સારો રિસ્પોન્સ મળ્યો હતો. સ્કેમ 1992 જોયા બાદ હવે લોકો અભિષેકની ફિલ્મ ધ બિગ બુલને નાપસંદ કરી રહ્યાં છે.